O fundamento competencial sobre o que descansa este decreto é o recollido no artigo 33.1 do Estatuto de autonomía de Galicia que, en aplicación da previsión contida no artigo 148.1.21 da Constitución española, atribúe á nosa comunidade autónoma competencia en materia de desenvolvemento lexislativo e execución da lexislación básica do Estado en materia de sanidade interior.

Con respecto ao alcance das competencias de execución o artigo 37.3 do Estatuto de autonomía establece que as ditas competencias levan implícitas a correspondente potestade regulamentaria, a administración e a inspección.

En canto ao marco normativo, cómpre indicar que a Lei 16/2003, do 28 de maio, de cohesión e calidade do Sistema Nacional de Saúde (que ten carácter básico) refírese, no seu artigo 4, aos dereitos da cidadanía no conxunto do sistema incluíndo entre eles o dereito a recibir asistencia sanitaria na súa comunidade autónoma de residencia nun tempo máximo que, de acordo co establecido no artigo 25 da mesma norma, será definido por cada comunidade autónoma dentro do marco aprobado para o efecto mediante real decreto.

Así, o Real decreto 1039/2011, do 15 de xullo, polo que se establecen os criterios marco para garantir un tempo máximo de acceso ás prestacións sanitarias do Sistema Nacional de Saúde, desenvolve a citada Lei 16/2003, do 28 de maio, establecendo como tempos máximos de acceso para a realización de determinadas intervencións os cento oitenta días naturais. Ademais, recolle os criterios para garantir os referidos tempos máximos (gravidade das patoloxías, eficacia da intervención e oportunidade desta) e indica que os servizos de saúde das comunidades autónomas concretarán no seu ámbito territorial as garantías previstas no real decreto, establecendo uns tempos máximos de acceso para a atención sanitaria programable. Para iso, utilizarán como referente os tempos máximos establecidos no anexo do real decreto e terán en conta se os procesos ou patoloxías aos cales van dirixidas as intervencións teñen un especial impacto na saúde ou na calidade de vida do usuario.

Neste contexto, o artigo 12 da Lei 8/2008, do 10 de xullo, de saúde de Galicia, recolle os dereitos da cidadanía relacionados coa prestación sanitaria por parte do Sistema público de saúde de Galicia, entre os cales se inclúe o dereito a obter unha garantía de demoras máximas.

O capítulo II da Lei 12/2013, do 9 de decembro, de garantías de prestacións sanitarias, refírese aos «tempos máximos de acceso e sistema de garantías». Así, o seu artigo 5 establece que, para os procedementos e situacións clínicas que así se determinen no seu desenvolvemento regulamentario, os/as pacientes que requiran atención sanitaria hospitalaria de carácter programado e non urxente terán garantida esta atención nuns tempos máximos máis reducidos que os previstos na normativa vixente para a totalidade dos procesos.

En desenvolvemento desta ditáronse varios regulamentos, entre eles o Decreto 105/2017, do 28 de setembro, polo que se regula o sistema de garantía de tempos máximos de acceso ás prestacións sanitarias públicas, que no seu artigo 4.1 establece que a selección dos procesos garantidos basearase nos criterios de gravidade das patoloxías, a efectividade da atención sanitaria e a oportunidade da atención sanitaria.

Asemade, o artigo 4.2 do Decreto 105/2017, do 28 de setembro, prevé que «a relación de patoloxías para as que se garanten os tempos máximos de espera nas diferentes modalidades asistenciais de cirurxía, así como as consultas e probas que se recollen nos anexos I, II e III, respectivamente, poderán modificarse mediante decreto, de conformidade co previsto na disposición derradeira primeira da Lei 12/2013, de 9 de decembro, seguindo os criterios de gravidade das patoloxías, efectividade e oportunidade previstos no artigo 5.3 de dita lei.».

En uso do mecanismo indicado, mediante o presente decreto amplíase a relación de diagnósticos garantidos para as intervencións cirúrxicas programadas e non urxentes (anexo I), a relación de primeiras consultas externas hospitalarias programadas e non urxentes garantidas (anexo II) e a relación de primeiras probas diagnósticas e/ou terapéuticas programadas e non urxentes garantidas (anexo III), do Decreto 105/2017, do 28 de setembro.

Así, no anexo I engádense na relación de diagnósticos garantidos para as intervencións cirúrxicas programadas e non urxentes de catro tipos de linfoma (Hodking, folicular, non folicular e de células T/NK maduras), así como outras patoloxías relacionadas coa saúde da muller (a neoplasia maligna de útero, a displasia do colo uterino e a displasia vulvar leve e moderada); no anexo II engádense as vías rápidas de cancro de endometrio e a onco-hematoloxía; e no anexo III garántense as primeiras probas diagnósticas e/ou terapéuticas programadas e non urxentes relacionadas coa vía rápida de cancro de endometrio (informe anatomopatolóxico da biopsia endometrial, a histeroscopia, o TAC e as probas de estadiaxe).

Na selección de novos procedementos tívose en conta a gravidade das patoloxías, a efectividade da atención sanitaria e a oportunidade da atención para favorecer a recuperación da funcionalidade ou evitar a progresión da enfermidade, en cumprimento das previsións contidas na Lei 12/2013, do 9 de decembro.

O texto axústase aos principios de boa regulación contidos no artigo 129 da Lei 39/2015, do 1 de outubro, do procedemento administrativo común das administracións públicas, e no artigo 37.a) da Lei 14/2013, do 26 de decembro, de racionalización do sector público autonómico.

Así, os principios de necesidade, proporcionalidade e accesibilidade veñen xustificados pola propia aplicación dos criterios de inclusión previstos na Lei 12/2013, do 9 de decembro, por canto responden á gravidade das patoloxías, á efectividade da recuperación e a impedir a progresión da enfermidade.

Os principios de seguridade xurídica, transparencia, simplicidade e eficacia, quedan garantidos xa que a modificación realízase do xeito e mediante o mecanismo xurídico previsto na norma modificada, e atinxe unicamente á relación de patoloxías, sen afectar o contido da regulación substantiva preexistente.

O texto consta dun artigo único, dúas disposicións derradeiras (relativas á entrada en vigor e ao desenvolvemento para a execución), unha disposición derrogatoria e tres anexos, que substituirán os contidos no Decreto 105/2017, do 28 de setembro, que se modifica.

O presente decreto foi sometido á consideración do Consello Asesor de Pacientes de Galicia, e conta cos informes favorables da Dirección Xeral de Simplificación Administrativa, da Dirección Xeral da Función Pública, informe de impacto demográfico, de impacto de xénero, informe da Dirección Xeral de Planificación e Orzamentos e da Asesoría Xurídica Xeral da Xunta de Galicia.

Na súa virtude, por proposta do conselleiro de Sanidade, de acordo co Consello Consultivo, e logo da deliberación do Consello da Xunta de Galicia na súa reunión do día vinte e sete de maio de dous mil vinte e catro,

DISPOÑO:

Artigo único. Modificación do Decreto 105/2017, do 28 de setembro, polo que se regula o sistema de garantía de tempos máximos de acceso ás prestacións sanitarias públicas

O Decreto 105/2017, do 28 de setembro, polo que se regula o sistema de garantía de tempos máximos de acceso ás prestacións sanitarias públicas, queda modificado como segue:

Un. O anexo I queda redactado como segue:

ANEXO I

Relación de diagnósticos garantidos para as intervencións cirúrxicas programadas e non urxentes

Procedementos cirúrxicos para os seguintes diagnósticos de pacientes que sexan incluídos no Rexistro de Pacientes en Espera de Galicia:

Neoplasias malignas primarias de localizacións específicas

Diagnósticos	Códigos diagnósticos CIE-10-ES
Linfoma de Hodking	C81
Linfoma folicular	C82
Linfoma non folicular	C83
Linfoma de células T/NK maduras	C84
Neoplasia maligna de beizo	C00
Neoplasia maligna da lingua	C01-C02
Neoplasia maligna de enxiva	C03
Neoplasia maligna de solo da boca	C04
Neoplasia maligna do padal	C05
Neoplasia maligna de mucosa de fazula, vestíbulo boca, área retromolar	C06
Neoplasia maligna de glándula parótida	C07
Neoplasia maligna doutras glándulas salivares	C08
Neoplasia maligna de amígdala	C09
Neoplasia maligna de orofarinxe	C10
Neoplasia maligna de nasofarinxe	C11
Neoplasia maligna de seno piriforme	C12
Neoplasia maligna de hipofarinxe	C13
Neoplasia maligna de esófago	C15
Neoplasia maligna de estómago	C16
Neoplasia maligna de intestino delgado	C17
Neoplasia maligna de colon	C18
Neoplasia maligna de unión rectosigmoidea	C19
Neoplasia maligna de recto	C20
Neoplasia maligna de ano e canal anal	C21
Neoplasia maligna de fígado e vías biliares intrahepáticas	C22
Neoplasia maligna de vesícula biliar	C23
Neoplasia maligna de vía biliar extrahepática, ampola de Vater	C24
Neoplasia maligna de páncreas	C25
Neoplasia maligna de cavidade nasal e de oído medio	C30
Neoplasia maligna de senos accesorios	C31
Neoplasia maligna de larinxe	C32
Neoplasia maligna de tráquea	C33
Neoplasia maligna de bronquio e pulmón	C34
Neoplasia maligna de timo	C37
Neoplasia maligna de corazón, mediastino e pleura	C38
Neoplasia maligna de óso e de cartilaxe articular de extremidades	C40
Neoplasia maligna de óso e de cartilaxe articular de cranio e faciana	C41.0
Neoplasia maligna de mandíbula	C41.1
Neoplasia maligna de columna vertebral	C41.2
Neoplasia maligna de costelas, esterno e clavícula	C41.3
Neoplasia maligna de ósos de pelve, sacro e cóccix	C41.4
Melanoma maligno de pel	C43
Carcinoma de células de Merkel	C4A
Mesotelioma	C45
Sarcoma de Kaposi	C46
Neoplasia maligna de nervios periféricos e sistema nervioso autónomo	C47
Neoplasia maligna de retroperitoneo e peritoneo	C48
Neoplasia maligna de tecido conxuntivo, músculo, graxa, sinovia, tendón, vasos sanguíneos e vasos linfáticos	C49
Neoplasia maligna de mama	C50
Neoplasia maligna de vulva	C51
Neoplasia maligna de vaxina	C52
Neoplasia maligna de colo de útero	C53
Neoplasia maligna de corpo de útero	C54
Neoplasia maligna de ovario	C56
Neoplasia maligna de placenta	C58
Neoplasia maligna de pene	C60
Neoplasia maligna de próstata	C61
Neoplasia maligna de testículo	C62
Neoplasia maligna de epidídimo, cordón espermático, vesícula seminal	C63
Neoplasia maligna de ril	C64
Neoplasia maligna de pelve renal	C65
Neoplasia maligna de uréter	C66
Neoplasia maligna de vexiga	C67
Neoplasia maligna de uretra, parauretral e lugares contiguos do aparello urinario	C68
Neoplasia maligna de ollo e os seus anexos	C69
Neoplasia maligna de meninxes	C70
Neoplasia maligna de cerebro	C71
Neoplasia maligna de médula espiñal, nervios craneais	C72
Neoplasia maligna de glándula tiroide	C73
Neoplasia maligna de glándula suprarrenal	C74

Neoplasias malignas secundarias ou metastásicas de localizacións específicas

Diagnósticos	Códigos diagnósticos CIE-10-ES
Neoplasia maligna secundaria de ganglios linfáticos	C77
Neoplasia maligna secundaria de órganos respiratorios e dixestivos	C78
Neoplasia maligna secundaria de ril e pelve renal	C79.0
Neoplasia maligna secundaria de vexiga, uréter, parauretral, uretral	C79.1
Neoplasia maligna secundaria de pel	C79.2
Neoplasia maligna secundaria de cerebro e meninxes cerebrais	C79.3
Neoplasia maligna secundaria de nervios craneais, medula espinal, ollo	C79.4
Neoplasia maligna secundaria de óso e medula ósea	C79.5
Neoplasia maligna secundaria de ovario	C79.6
Neoplasia maligna secundaria de glándula suprarrenal	C79.7

Tumores neuroendocrinos

Diagnósticos	Códigos diagnósticos CIE-10-ES
Tumores malignos neuroendocrinos	C7A
Tumores neuroendocrinos secundarios	C7B

Carcinoma in situ

Diagnósticos	Códigos diagnósticos CIE-10-ES
Carcinoma in situ de cavidade oral, esófago e estómago	D00
Carcinoma in situ de colon	D01.0
Carcinoma in situ de unión rectosigma	D01.1
Carcinoma in situ de recto	D01.2
Carcinoma in situ de intestino	D01.4
Carcinoma in situ de fígado, vesícula biliar e condutos biliares	D01.5
Carcinoma in situ de páncreas	D01.7
Carcinoma in situ de oído medio e aparello respiratorio	D02
Melanoma in situ	D03
Carcinoma in situ de mama	D05
Carcinoma in situ de colo de útero	D06
Carcinoma in situ de endometrio	D07.0
Carcinoma in situ de vulva	D07.1
Carcinoma in situ de vaxina	D07.2
Carcinoma in situ de anexos uterinos	D07.3
Carcinoma in situ de pene	D07.4
Carcinoma in situ de vesícula seminal, epidídimo, conduto deferente, conduto espermático	D07.6
Carcinoma in situ de vexiga	D09.0
Carcinoma in situ de ril, pelve renal, uréter, uretra	D09.1

Outros diagnósticos prioridade 1

Diagnósticos	Códigos diagnósticos CIE-10-ES
Enfermidades/trastornos da válvula aórtica: – Estenose aórtica severa: • Clase ≥ III de disnea (clasificación funcional NYHA*1) ou clase ≥ III de anxina (clasificación funcional CCS*2), non atribuíbles a outra causa – Insuficiencia aórtica severa: • Clase ≥ III da clasificación funcional NYHA*1ou disfunción ventricular esquerda (fracción de exección do ventrículo esquerdo < 50 %), non atribuíbles a outra causa	I06.0; I06.1; I06.2; I35.0; I35.1; I35.2; Q23.0; Q23.1
Enfermidades/trastornos da válvula mitral: – Estenose mitral severa: • Clase ≥ III de disnea (clasificación funcional NYHA*1) non atribuíble a outra causa – Insuficiencia mitral severa: • Clase ≥ III da clasificación funcional NYHA*1e fracción de exección do ventrículo esquerdo > 30 % ou disfunción ventricular esquerda (fracción de exección do ventrículo esquerdo entre 30 e 50 %), non atribuíbles a outra causa	I05.0; I05.1; I05.2; I34.0; I34.2; Q23.2; Q23.3
Aneurismas cerebrais	I67.1; Q28.2; Q28.3
Obstrución arterial aorto-ilíaca: Lesións isquémicas en extremidades: estadios III e IV de Fontaine	I74.0; I74.1; I74.5
Obstrución arterial fémoro-poplítea: Lesións isquémicas en extremidades: estadios III e IV de Fontaine	I74.3; I75.02
Estenose carotídea extracranial	I65.2
Desprendemento de retina	H33.0; H33.2; H33.4; H33.8; H35.72; H35.73
Hidrocefalia (agás hidrocefalia crónica do adulto)	G91.0; G91.1; G91.3; Q03; Q07.02; Q07.03

*1Escala NYHA (New York Heart Assotiation)

*2Criterios CCS (Canadian Cardiovascular Society)

Outras patoloxías relacionadas coa saúde da muller

Diagnósticos	Códigos diagnósticos CIE-10-ES
Neoplasia maligna de útero, outras partes	C55
Displasia do colo uterino	N87
Displasia vulvar leve e moderada	N90

Dous. O anexo II queda redactado como segue:

ANEXO II

Relación de primeiras consultas externas hospitalarias programadas e non urxentes garantidas

Vías rápidas de:

– Cancro de pulmón.

– Cancro de mama.

– Cancro colorrectal.

– Cancro de próstata.

– Cancro de vexiga.

– Cancro de cabeza e pescozo.

– Melanoma.

– Cancro de endometrio.

– Onco-hematoloxía.

Tres. O anexo III queda redactado como segue:

ANEXO III

Relación de primeiras probas diagnósticas e/ou terapéuticas programadas e non urxentes garantidas

– Relacionadas coa vía rápida de cancro de pulmón:

TAC

Broncoscopia

Espirometría

PET/TAC

Biopsia (informe anatomopatolóxico)

Probas de estadiaxe

– Relacionadas coa vía rápida de cancro de mama:

Mamografía

Ecografía

Biopsia (informe anatomopatolóxico)

Probas de estadiaxe

– Relacionadas coa vía rápida de cancro colorrectal:

Colonoscopia

Biopsia

Probas de estadiaxe

– Relacionadas coa vía rápida de cancro de próstata:

ECO transrectal (TRUS)

Biopsia (informe anatomopatolóxico)

Probas de estadiaxe

– Relacionadas coa vía rápida de cancro de vexiga:

Cistoscopia

Ecografía

UroTAC

Probas de estadiaxe

– Relacionadas coa vía rápida de cancro de cabeza e pescozo:

Panendoscopia

Biopsia

Probas de estadiaxe

– Relacionadas coa vía rápida de melanoma:

Biopsia

TAC

Probas de estadiaxe

– Relacionadas coa vía rápida de cancro de endometrio:

Biopsia endometrial (informe anatomopatolóxico)

Histeroscopia

TAC

Probas de estadiaxe

Disposición derrogatoria única. Derrogación normativa

Quedan derrogadas cantas disposicións de igual ou inferior rango se opoñan ao disposto no presente decreto.

Disposición derradeira primeira. Desenvolvemento para a súa execución

Facúltase a persoa titular da Consellería de Sanidade para adoptar cantos actos e medidas sexan necesarios para a aplicación deste decreto.

Disposición derradeira segunda. Entrada en vigor

Este decreto entrará en vigor aos vinte días da súa publicación no Diario Oficial de Galicia.

Santiago de Compostela, vinte e sete de maio de dous mil vinte e catro

Alfonso Rueda Valenzuela
Presidente

Antonio Gómez Caamaño
Conselleiro de Sanidade