Mediante a Resolución do 21 de novembro de 2023 (DOG núm. 228, do 30 de novembro) convocáronse para a súa provisión, polo procedemento de concurso de méritos, dous postos vacantes de supervisor/a da Unidade de Enfermaría no Hospital Público de Verín e dous postos vacantes de supervisor/a da Unidade de Enfermaría no Hospital Público de Valdeorras.
De acordo co disposto nas bases da convocatoria, logo da actuación da Comisión de Avaliación a que se fai referencia na base sexta, e en vista dos méritos achegados e da defensa do proxecto técnico de xestión polos/as aspirantes, que constan nas actas da devandita comisión, esta xerencia, de conformidade co establecido no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde; na Orde do 24 de maio de 2006 (DOG núm. 106, do 5 de xuño) pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, en virtude das competencias atribuídas polo Decreto 137/2019, do 10 de outubro (DOG núm. 208, do 31 de outubro), polo que se establece a estrutura orgánica do Servizo Galego de Saúde; pola Orde do 22 de abril de 2020 (DOG núm. 82, do 29 de abril) sobre delegación de competencias en órganos centrais e periféricos da Consellería de Sanidade e do Servizo Galego de Saúde e na Axencia Galega para a Xestión do Coñecemento en Saúde, e no Decreto 134/2019, do 10 de outubro (DOG núm. 204, do 25 de outubro), polo que se regulan as áreas sanitarias e os distritos sanitarios do sistema público de saúde de Galicia,
ACORDA:
Primeiro. Resolver a convocatoria pública para a provisión de dous postos vacantes de supervisor/a da Unidade de Enfermaría no Hospital Público de Verín e de dous postos vacantes de supervisor/a da Unidade de Enfermaría no Hospital Público de Valdeorras.
Segundo. Adxudicarlles os postos de traballo convocados aos/ás aspirantes que obtiveron a maior puntuación, nos termos previstos no anexo desta resolución, e declarar deserta, por falta de concorrencia de aspirantes, a convocatoria dun dos postos vacantes de supervisor/a da Unidade de Hospitalización de Medicina Interna do Hospital Público de Valdeorras.
Terceiro. O/a profesional nomeado/a deberá cesar na praza que desempeñe dentro dos tres días hábiles seguintes ao da súa publicación.
Cuarto. A toma de posesión do posto de traballo adxudicado deberá efectuarse dentro dos dous días hábiles seguintes ao do cesamento, de conformidade coa modificación do artigo 30.2 do Decreto 206/2005, do 22 de xullo, de provisión de prazas de persoal estatutario do Servizo Galego de Saúde.
Para estes efectos, entenderase por praza desempeñada a efectivamente ocupada, con independencia de que sexa en condición de destino definitivo, adscrición ou destino provisional, ou comisión de servizos.
Se así o permiten as necesidades do servizo e por petición motivada da persoa interesada, os prazos a que se refiren os parágrafos anteriores poderán ser prorrogados pola Xerencia da área sanitaria.
O prazo de toma de posesión e a súa prórroga terán a consideración de servizo activo e percibiranse os correspondentes haberes de conformidade co que estableza a orde sobre confección de nóminas do persoal ao servizo da Administración autonómica.
Entenderase que solicita a excedencia voluntaria por interese particular e será declarado/a nesa situación, polo órgano competente, quen non se incorpore ao posto adxudicado no prazo establecido.
Quinto. Os/as profesionais nomeados/as serán avaliados/as antes de que transcorran catro anos desde o seu nomeamento, para os efectos de prorrogar o desempeño do posto por idéntico período de tempo, ou proceder á súa remoción do posto de traballo. A remoción virá precedida dun procedemento que garanta a audiencia do/da interesado/a. A omisión da avaliación non suporá a consideración do nomeamento como definitivo.
Sexto. Contra esta resolución poderá interpoñerse recurso de alzada ante a Dirección Xeral de Recursos Humanos do Servizo Galego de Saúde, no prazo dun mes, contado a partir do día seguinte ao da súa publicación, nos termos previstos nos artigos 121 e seguintes da Lei 39/2015, do 1 de outubro, do procedemento administrativo común das administracións públicas.
Ourense, 24 de maio de 2024
José Santiago Camba Bouzas
Xerente da Área Sanitaria de Ourense, Verín e O Barco de Valdeorras
ANEXO
Posto: supervisor/a da Unidade de Medicina Interna no Hospital Público de Verín.
Número de prazas: 1.
Nome e apelidos: Rosa Mari Fernández Nieves.
DNI (*): ***6199**.
Posto: supervisor/a da Unidade de Urxencias no Hospital Público de Verín.
Número de prazas: 1.
Nome e apelidos: Mónica González Dacosta.
DNI (*): ***4745**.
Posto: supervisor/a da Unidade de Medicina Interna no Hospital Público de Valdeorras.
Número de prazas: 1.
Nome e apelidos: Ana Isabel Álvarez Rodríguez.
DNI (*): ***8424**.
(*) Ocúltase parcialmente o número do documento nacional de identidade para preservar os datos de carácter persoal, de conformidade coa disposición adicional sétima da Lei orgánica 3/2018, do 5 de decembro, de protección de datos persoais e garantía dos dereitos dixitais.