Na Sala do Contencioso-Administrativo, Sección Primeira, do Tribunal Superior de Xustiza de Galicia, tramítase o recurso 105/2024 (procedemento ordinario), interposto por Frank Alberto Betances Reinoso fronte á desestimación por silencio administrativo do recurso de reposición interposto o 1 de febreiro de 2023 contra a Resolución do 26 de decembro de 2022, da Dirección Xeral de Recursos Humanos, pola que se realiza a convocatoria excepcional no proceso selectivo de estabilización, polo sistema de concurso de méritos, para o ingreso en diversas especialidades da categoría de facultativo/a especialista de área (DOG núm. 4, do 5 de xaneiro) (categoría: Otorrinolaringoloxía).
O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 20 de maio de 2024
María del Mar Pousa Cobas
Directora xeral de Recursos Humanos