O día 26 de abril de 2024, o presidente de Portos de Galicia acordou iniciar o trámite de modificación substancial por incremento de superficie da concesión administrativa outorgada a Barras Eléctricas Galaico-Asturianas, S.A. (Begasa) no porto de Foz con destino á ocupación do DPP en superficie e soterrado para construción de centros de transformación e liña de baixa tensión para fornecemento de electricidade, de acordo coa solicitude presentada polo concesionario.
O que se fai público, para os efectos previstos no artigo 70 da Lei 6/2017, do 12 de decembro, de portos de Galicia, para que as persoas e entidades interesadas poidan examinar o expediente e presentar por escrito as alegacións que consideren oportunas nas oficinas da Xefatura da Zona Norte, sitas na r/ Nicomedes Pastor Díaz, nº 13, 27001 Lugo, no prazo de vinte (20) días hábiles, contados a partir do seguinte ao da publicación do presente anuncio no Diario Oficial de Galicia.
Lugo, 29 de abril de 2024
Antonio López Fernández
Xefe da Zona Norte