A instalación denominada LMTS ATI712 e CTC Laxes Confurco foi declarada de utilidade pública mediante a Resolución do 27 de marzo de 2024, da Xefatura Territorial de Pontevedra, o que leva implícita a urxente ocupación dos bens e dereitos afectados, tendo a condición de beneficiaria a empresa UFD Distribución Electricidad, S.A.
Segundo o disposto no artigo 52 da Lei de expropiación forzosa e no artigo 56.1 da Lei 24/2013, do 26 de decembro, do sector eléctrico, comunícase que o día 12 de xuño de 2024 no concello do Ponteareas, e o día 13 de xuño de 2024 no concello do Porriño, a partir das 12.00 horas, terá lugar sobre o terreo o levantamento das actas previas á ocupación dos bens e dereitos contidos na relación de predios que se expón xunto con esta resolución e nos taboleiros de edictos dos concellos do Porriño e Ponteareas.
Os interesados recibirán unha notificación individual coa debida antelación legal, en que se lles comunicarán a data e a hora en que se deberán presentar nos seus predios, e serán informados de que poderán ir acompañados por un perito ou un notario, pola súa conta, se así o consideran conveniente.
Cando as persoas propietarias ou titulares de dereitos sobre os predios afectados sexan descoñecidas ou se ignore o lugar de notificación, dirixiranse ao Ministerio Fiscal as dilixencias que se produzan destas, de conformidade co artigo 5 da Lei de expropiación forzosa. Neste caso, igualmente, de acordo co artigo 44 da Lei 39/2015, do 1 de outubro, do procedemento administrativo común das administracións públicas, publicarase un anuncio no taboleiro de edictos único (TEU) do Boletín Oficial del Estado (BOE).
Vigo, 29 de abril de 2024
Beatriz López del Olmo
Directora territorial de Pontevedra
ANEXO
LMTS ATI712 e CTC Laxes Confurco
Nº |
Referencia catastral |
Lugar |
Titular |
Concello |
Nº apoio |
m2 solo |
ml sub |
m2 subsolo |
1 |
36042A036060000000DZ |
Leirados |
Servicios Logísticos Souto, S.L. |
Ponteareas |
0,92 |
2,73 |
||
2 |
36039A006000220000DR |
As Laxes |
Descoñecido |
O Porriño |
CT |
11,56 |
0,74 |
3,63 |
3 |
36039A006000230000DD |
As Laxes |
María del Carmen Rodríguez Acuña |
O Porriño |
CT |
3,41 |
1,86 |
6,49 |