Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando as persoas interesadas nun procedemento sexan descoñecidas, se ignore o lugar da notificación ou ben, intentada esta, non se puidese efectuar», mediante o presente anuncio notifícaselle á persoa sinalada no cadro anexo a resolución desta dirección territorial, do 21 de marzo do 2024, pola que se concede a autorización administrativa previa, de construción e declaración de utilidade pública, en concreto, dunha instalación de distribución de enerxía eléctrica a prol da entidade UFD Distribución Electricidad, S.A. e que corresponde ao proxecto de instalación eléctrica denominado regulamentación LMTA SMR706 entre apoios números 104-12 e 104-16 e CT Confurco, no concello de Ferrol (expediente IN407A 2022/388-1).

O texto íntegro da resolución que agora se anuncia está á disposición da persoa interesada na sede da Dirección Territorial da Consellería de Economía e Industria da Coruña, situada no Edificio Administrativo de Monelos, na rúa Vicente Ferrer, 2-2º, 15008 A Coruña, na Sección de Enerxía (teléfono de contacto 981 18 49 02), das 9.00 ás 14.00 horas, de luns a venres. A persoa interesada disporá dun prazo de dez (10) días, a partir da publicación deste anuncio, para solicitar a remisión da resolución ao enderezo que sinalen.

Contra a resolución, que non pon fin á vía administrativa, a persoa interesada poderá interpoñer recurso de alzada perante a conselleira de Economía e Industria no prazo dun mes contado a partir da notificación da resolución, ou interpoñer calquera outro recurso que proceda.

A Coruña, 9 de maio de 2024

Isidoro Martínez Arca
Director territorial da Coruña

ANEXO

Regulamentación LMTA SMR706 entre apoios números 104-12 e 104-16 e CT O Confurco.

Relación de bens e dereitos afectados. Concello de Ferrol (A Coruña)

Parcela proxecto	Persoa propietaria/titular	Referencia catastral	Lugar	Afección pleno dominio (LMT e CT e/ou apoios)		LMT soterrada (servidume de paso de enerxía eléctrica)		Natureza do terreo
				Nº do apoio	Superficie (m2)	Lonxitude (m)	Superficie (m2)
2	Descoñecida/o	15037A031001920000PX	Picadeira	104-15	2	4	12	Matogueira

Abreviacións:

ml aér.: lonxitude da servidume aérea en metros lineais.

ml sot.: lonxitude da servidume soterrada en metros lineais.

m2 aér.: superficie de servidume aérea en m2.

m2 sot.: superficie de servidume soterrada en m2.