A Fundación Santiago Rey Fernández-Latorre convoca o LXVI Premio Fernández Latorre, e invita a particulares e institucións a participar nel.
Este premio réxese polas seguintes bases:
1. Premio.
Concederase o Premio Fernández Latorre, dotado nesta edición con 10.000 euros, a unha persoa física ou xurídica que se teña distinguido pola súa contribución a Galicia ao longo da súa traxectoria ou cunha obra relevante, preferentemente xornalística, anterior ao 6 de maio de 2024.
2. Ditame e entrega.
O ditame farase público no diario La Voz de Galicia o vindeiro 25 de xullo, festividade do Apóstolo Santiago e Día de Galicia.
O premio entregarase no transcurso dun acto que se celebrará no último trimestre de 2024.
3. Xurado.
O xurado terá, ademais das facultades normais para elixir a traxectoria ou traballos premiados, as de interpretar as presentes bases.
4. Presentación de traballos.
Os expedientes ou traballos deberanse enviar por correo electrónico (fundacionsantiagoreyfernandez-latorre@lavoz.es) ou ordinario á Fundación Santiago Rey Fernández-Latorre, avenida da Prensa, 84-85, polígono industrial de Sabón, 15143 Arteixo (A Coruña), ata o 31 de maio, coa indicación «Premio Fernández Latorre».
Os expedientes ou traballos poderán ser presentados polos interesados, polos membros do xurado ou por calquera persoa ou entidade. Neste último caso, debe acreditarse o consentimento do candidato ou candidatos.
5. Condicións.
A presentación a este premio supón a conformidade dos participantes con estas bases e implica, se é o caso, a autorización para a difusión pública do traballo premiado, sen finalidade lucrativa e por un período de tempo non superior a seis meses.
A decisión do xurado é inapelable.
A Coruña, 17 de abril de 2024
Santiago Rey Fernández-Latorre
Presidente da Fundación Santiago Rey Fernández-Latorre