Expediente: IN407A 2023/205-1.
Promotor: UFD Distribución Electricidad, S.A.
Proxecto: instalación de telecontrol na LMT SMC701 apoio AIN0KA7S//42-2.
Concello: Cambre.
Feitos:
1. O día 20.4.2023, a empresa promotora solicitou a autorización administrativa previa, a autorización administrativa de construción e a declaración de utilidade pública da dita instalación de distribución eléctrica. O seu obxecto é mellorar a calidade e a seguridade do servizo eléctrico coa implementación de elementos de seccionamento telecontrolados na liña eléctrica con código SMC701 Cambre-Sigrás, 1, con mellora dos TIEPI nas interrupcións levadas a cabo nas operacións de explotación e mantemento da dita liña.
Ao abeiro dos artigos 123 e 143 do Real decreto 1955/2000, achegan o proxecto de execución denominado instalación de telecontrol na LMT SMC701 apoio AIN0KA7S//42-2, asinado o día 23.12.2022 por Miguel Caramés Vila, graduado en Enxeñaría Eléctrica, nº colexiado 4.769 de Vigo (COITIVigo); e a relación de bens e dereitos afectados de necesaria ocupación para a construción da liña.
2. O proxecto someteuse ao trámite de información pública mediante un acordo publicado nos seguintes medios:
• Portal da transparencia e Goberno aberto da Consellería de Economía, Industria e Innovación.
• DOG: 17.8.2023.
• BOP: 28.7.2023.
• Xornal La Voz de Galicia: 8.8.2023.
• Taboleiro de anuncios do concello: segundo certificado municipal do 2.10.2023
3. Durante o período en que o proxecto se someteu ao trámite de información pública non se presentou ningunha alegación, reclamación nin suxestión relacionada coa documentación obxecto de publicación.
4. Consonte o artigo 127 do Real decreto 1955/2000, do 1 de decembro, solicitóuselle o informe preceptivo ao Concello de Cambre como entidade afectada. No día desta resolución, non consta no expediente resposta á solicitude de informe.
5. O día 22.3.2024 emitiuse o informe técnico.
Consideracións legais e técnicas:
1. O xefe territorial é competente para resolver este expediente segundo o Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia; o artigo 41 do Decreto 116/2022, do 23 de xuño, polo que se establece a estrutura orgánica da Vicepresidencia Primeira e Consellería de Economía, Industria e Innovación (DOG núm. 126, do 4 de xullo), modificado polo Decreto 49/2023, do 19 de maio (DOG núm. 98, do 25 de maio) consonte a disposición transitoria primeira do Decreto do 22 de xuño, polo que se fixa a estrutura orgánica das vicepresidencias e das consellerías da Xunta de Galicia (DOG núm. 119, do 23 de xuño).
2. Lexislación de aplicación:
• Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).
• Lei 40/2015, do 1 de outubro, de réxime xurídico do sector público (BOE núm. 236, do 2 de outubro).
• Lei 24/2013, do 26 de decembro, do sector eléctrico (BOE núm. 310, do 27 de decembro).
• Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).
• Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en instalación eléctricas de alta tensión e as súas instrucións técnicas complementarias ITC-LAT 01 a 09 (BOE núm. 68, do 19 de marzo).
• Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23 (BOE núm. 139, do 9 de xuño).
• Real decreto 842/2002, do 2 de agosto, polo que se aproba o Regulamento electrotécnico para baixa tensión (BOE núm. 224, do 18 de setembro).
• Real decreto 2563/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia en materia de industria, enerxía e minas (BOE núm. 246, do 14 de outubro).
• Lei do 16 de decembro de 1954, sobre expropiación forzosa (BOE núm. 351, do 17 de decembro).
• Decreto do 26 de abril de 1957, polo que se aproba o Regulamento da Lei de expropiación forzosa (BOE núm. 160, do 20 de xuño).
3. Características técnicas:
As instalacións de alta tensión obxecto deste expediente están situadas no lugar de Outeiro, parroquia de Cela, no concello de Cambre, e as súas características técnicas son as seguintes:
Modificación, sen alterar a súa actual traza, do treito da liña SMC-701 autorizado no expediente 26.711, de 144,8 metros de lonxitude en condutor tipo LA-30, comprendido entre o apoio nº 42-1 (matrícula AINGAK8O) de formigón tipo AG-HV-12/2B-CR-CA e o apoio nº 42-3 (matrícula AIM0SVUQ) de formigón tipo FL-HV-1600/13-CR-CA, consistente en:
- Substitución, respectando a súa localización actual na parcela con referencia catastral 4435917NH5943N0001FE sita no lugar da Pena, cun lixeiro desprazamento cara ao apoio nº 42-1, do apoio nº 42-2 (matrícula AINOKA7S) de formigón tipo AL-HV-400/12-CB-CS, polo novo apoio metálico de celosía tipo AM-C-2000/14-H35-CA(CS), en que se proxecta a instalación dun reconectador telecontrolado composto por un equipo interruptor con cámara illada en SF6 e un armario de control.
- Substitución do condutor tipo LA-30 (condutor existente) por novo condutor tipo LA-56, no van de 73,4 metros de lonxitude comprendido entre o novo apoio nº 42-2 proxectado e o apoio nº 42-3 existente.
4. Na visita de campo realizada o día 19.3.2024 para examinar o lugar da instalación non se apreciou ningunha das limitacións á constitución da servidume que sinala o artigo 58.a) da Lei 24/2013, do 26 de decembro, do sector eléctrico.
5. No expediente consta un informe favorable dos servizos técnicos desta xefatura territorial.
Consonte con todo o sinalado,
RESOLVO:
a) Conceder a autorización administrativa previa, a autorización administrativa de construción e a declaración de utilidade pública da dita instalación de distribución eléctrica.
b) A instalación executarase no prazo dun ano, contado a partir do día seguinte ao da publicación desta resolución no Diario Oficial de Galicia.
A declaración de utilidade pública leva implícita a necesidade de ocupación dos bens e de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.
c) Para a posta en funcionamento da instalación autorizada, deberá achegar ante esta xefatura territorial unha solicitude á cal xuntará a seguinte documentación:
• As declaracións de conformidade relativas ao material ou equipamento, e as certificacións ou homologacións, se procede.
• Un certificado do/da director/a da montaxe en que se garantirá o cumprimento das especificacións do proxecto e das prescricións complementarias, se as houber, así como das regulamentacións e normas axeitadas para a montaxe da instalación e posta a punto.
• Planimetría as built da instalación eléctrica en formato shape.
d) Esta autorización outórgase sen prexuízo doutras que sexan de aplicación segundo a lexislación vixente, en especial, no relativo á ordenación do territorio e ao ambiente.
Contra esta resolución, que non é definitiva en vía administrativa, poderá interporse recurso de alzada perante a conselleira de Economía, Industria e Innovación, no prazo dun mes contado a partir do día seguinte ao da notificación ou publicación, segundo o disposto nos artigos 121 e 122 da dita Lei 39/2015, sen prexuízo de que as persoas interesadas poidan interpor calquera outro recurso que consideren axeitado.
Mediante este documento notifícaselles aos interesados esta resolución, segundo o exixido no artigo 40.1 da Lei 39/2015.
A Coruña, 5 de abril de 2024
Isidoro Martínez Arca
Xefe territorial da Coruña
ANEXO
Relación de bens e dereitos afectados - termo municipal de Cambre
Instalación de telecontrol na LMT SMC-701 - apoio AIN0KA7S//42-2
Parcela proxecto |
Propietario/titular |
Referencia catastral |
Lugar |
Afección pleno dominio (LMT, CT e/ou apoios) |
Natureza do terreo |
|
CT/Nº do apoio |
Superficie (m2) |
|||||
1 |
Filomena Bermúdez Vázquez Matilde Vázquez Varela Alfredo Díaz Novo Josefa María Díaz Novo Francisco Novo Losada María Olga Novo Blanco |
4435917NH5943N0001FE |
Lugar de Pena |
Novo apoio nº 42-2 (ITC) |
2 |
Rústico. Agrario. Labor ou labradío de secaño |