En cumprimento do previsto no artigo 152.8.b) do Regulamento xeral de costas, aprobado polo Real decreto 876/2014, do 10 de outubro, faise público que se está a tramitar a seguinte solicitude de autorización de vertedura:

Solicitante: Pérez Torres Marítima, S.L.

NIF: B15263106.

Expediente: DH.V15.99627.

Lugar: Punta Langosteira.

Parroquia: Suevos.

Concello: Arteixo.

Tipo de vertedura: augas residuais fecais depuradas.

Caudal máximo anual: 255,84 m3/ano.

Punto de vertedura: X=539.754; Y=4.800.306.

Medio receptor: infiltración no terreo (bacía da costa da Coruña entre A Coruña e Camariñas).

Tratamento/evacuación: as augas residuais fecais son tratadas nun sistema de depuración deseñado para 20 habitantes equivalentes constituído por arqueta de desbaste e depuradora compacta composta por tanque de aireación e tanque de decantación, verténdose o efluente depurado por infiltración no terreo mediante catro gabias filtrantes.

O proxecto pode consultarse na sección participación pública do portal da internet de Augas de Galicia (https://augasdegalicia.xunta.gal) e nas oficinas de Augas de Galicia situadas na praza de Camilo Díaz Baliño, 7-9, Santiago de Compostela, con cita previa no teléfono 981 54 50 87.

Os interesados poderán presentar alegacións durante o prazo de vinte (20) días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 4 de abril de 2024

Leticia Valladares López
Xefa da Área de Verteduras