Unha vez obtida a verificación do plan de estudos polo Consello de Universidades, logo do informe favorable da Axencia para a Calidade do Sistema Universitario de Galicia, así como a autorización da Comunidade Autónoma de Galicia, e establecido o carácter oficial do título por Acordo do Consello de Ministros do 17 de outubro de 2023 (publicado no BOE nº 259, do 30 de outubro, e mediante Resolución da Secretaría Xeral de Universidades do 19 de outubro).

Esta reitoría, de conformidade co disposto no artigo 8.3 da Lei orgánica 2/2023, do 22 de marzo, do sistema universitario, e no artigo 27.4 do Real decreto 822/2021, resolve publicar o plan de estudos conducente á obtención do título oficial de máster universitario en Ciencia e Tecnoloxías da Información Cuántica pola Universidade da Coruña, a Universidade de Santiago de Compostela e a Universidade de Vigo.

Santiago de Compostela, 15 de abril de 2024

Antonio López Díaz
Reitor da Universidade de Santiago de Compostela

ANEXO

Máster universitario en Ciencia e Tecnoloxías da Información Cuántica

Código RUCT: 4318542.

Rama de coñecemento: Ciencia.

Ámbito de coñecemento: interdisciplinar.

Universidades participantes: Universidade da Coruña, Universidade de Santiago de Compostela e Universidade de Vigo.

Modalidade de impartición: presencial.

Cadro 1. Distribución de créditos ECTS segundo o tipo de materia.

Tipo de materia	Créditos ECTS
Obrigatorias (OB)	15
Optativas (OP)	27
Prácticas externas obrigatorias	3
Traballo fin de máster (TFM)	15
Créditos totais	60

Cadro 2. Plan de estudos do máster.

Materia	Carácter	Créditos	Curso	Módulo
Mecánica cuántica I	OB	3	1º	Obrigatorio
Mecánica cuántica II	OB	3	1º
Fundamentos de información cuántica	OB	3	1º
Introdución á computación cuántica	OB	3	1º
Fundamentos de comunicacións cuánticas	OB	3	1º
Ferramentas da computación cuántica	OP	3	1º	Computación Cuántica
Programación e implementación de algoritmos cuánticos	OP	3	1º
Computación cuántica e aprendizaxe máquina	OP	3	1º
Computación cuántica e computación de altas prestacións	OP	3	1º
Aplicacións prácticas da computación cuántica	OP	3	1º
Teoría da información cuántica avanzada	OP	3	1º	Comunicacións Cuánticas
Tecnoloxías fotónicas para a comunicación cuántica	OP	3	1º
Códigos de corrección de erros	OP	3	1º
Comunicacións cuánticas avanzadas	OP	3	1º
Redes de comunicacións cuánticas	OP	3	1º
Óptica cuántica	OP	3	1º	Física da Información Cuántica
Materiais cuánticos	OP	3	1º
Sistemas abertos e termodinámica cuántica	OP	3	1º
Sistemas físicos para a información cuántica	OP	3	1º
Metroloxía e sensores cuánticos	OP	3	1º
Mecánica cuántica avanzada	OP	3	1º	Optativas comúns
Arquitecturas da computación cuántica	OP	3	1º
Técnicas experimentais para a información cuántica	OP	3	1º
Métodos numéricos en computación cuántica	OP	3	1º
Introdución á simulación cuántica	OP	3	1º
Ciencia e tecnoloxía da supercondutividade	OP	3	1º
Fotónica de semicondutores	OP	3	1º
Sistemas cuánticos baseados en regras	OP	3	1º
Laboratorio de comunicacións cuánticas	OP	3	1º
Comunicacións cuánticas vía satélite	OP	3	1º
Prácticas externas II	OP	3	1º
Prácticas externas I	OB	3	1º	Prácticas externas obrigatorias
Traballo fin de máster	OB	15	1º	Traballo fin de máster

De forma voluntaria, o alumnado poderá acollerse a un dos tres itinerarios específicos: Computación Cuántica, Comunicacións Cuánticas e Física da Información Cuántica.

A realización dun itinerario poderá ser reflectida como información complementaria no suplemento europeo ao título de máster (SET). A dita realización require superar as materias contidas no módulo correspondente ao dito itinerario (15 créditos) e elixir o resto (12 créditos) entre todas as materias optativas ofertadas (incluídas as dos outros módulos).