Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:

– Solicitante: UFD Distribución Electricidad, S.A.

– Domicilio social: avenida de América, 38, 28028 Madrid.

– Denominación: substitución dos apoios AXISAP6N//50-16 e AXIESQCR//50-17 da LMTA LAL811.

– Situación: Lalín.

– Características técnicas:

Substitución dos apoios AXISAP6N//50-16 e AXIESQCR//50-17 da LMTA LAL811, tramo LAL8111050, por un apoio C-1.000/18 e un C-1.000/16, respectivamente.

Liña de media tensión aérea (LMTA) a 20 kV, con condutor LA-56, 142 metros de lonxitude, coa orixe no apoio proxectado C-1.000/18 e final no apoio proxectado C-1.000/16.

A instalación está situada no lugar de Pardesoa, na parroquia de Maceira, no municipio de Lalín (Pontevedra).

A relación concreta e individualizada dos bens ou dereitos que se van expropiar figura no anexo.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, avenida María Victoria Moreno, 43, 36071 Pontevedra, no prazo máximo de trinta días, a partir da última publicación ou notificación individual.

O proxecto encóntrase á disposición do público para a súa consulta no portal da Consellería de Economía, Industria e Innovación (https://economia.xunta.gal/transparencia/
documentos-sometidos-a-informacion-publica?langId=gl_ES) durante o prazo de trinta días hábiles, contados a partir do día seguinte ao da publicación deste anuncio no Diario Oficial de Galicia.

Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.

Pontevedra, 5 de abril de 2024

Beatriz López del Olmo
Xefa territorial de Pontevedra

ANEXO

Nº de expediente: IN407A 2024/135-4.

Denominación: substitución dos apoios AXISAP6N//50-16 e AXIESQCR//50-17 da LMTA LAL811.

Concello: Lalín.

Nº	Lugar	Cultivo	Referencia catastral	Titular	Apoio (m2)
1	Chouso-Vella	Rústico	36024A124001050000BB	José Pol González	1,69