O Pleno do Concello de Monforte de Lemos, na súa sesión do 25 de marzo de 2024, acordou aprobar inicialmente o proxecto de expropiación por taxación conxunta dos terreos, bens e dereitos necesarios para a realización das obras de rexeneración do firme da rúa Santiago.
De acordo co disposto no artigo 118 da Lei 2/2016, do 10 de febreiro, do solo de Galicia, sométese a información pública, polo período dun mes, o citado proxecto de expropiación, mediante a inserción deste anuncio no Diario Oficial de Galicia e nun xornal dos de maior circulación da provincia, para que calquera persoa que resulte interesada poida examinar o expediente e formular as observacións ou alegacións que considere convenientes.
Igualmente, o acordo notificarase aos titulares de bens e dereitos que figuran nel aos cales se lles enviarán a correspondente folla de valoración e a proposta de fixación dos criterios de valoración, para que poidan formular alegacións no prazo dun mes.
Durante o prazo de información pública, contado desde o día seguinte ao da última publicación deste anuncio ou desde o día seguinte ao da correspondente notificación, o proxecto de expropiación estará dispoñible para a súa consulta nos seguintes lugares:
– Concello de Monforte de Lemos, praza Campo de Santo Antonio, s/n, 27400 Monforte de Lemos, os días laborables, das 9.00 ás 14.00 horas.
– Na sede electrónica do Concello de Monforte de Lemos: https://www.monfortedelemos.es
A relación de bens e dereitos afectados polo proxecto de expropiación é a seguinte:
|
Núm. predio |
Referencia catastral |
Titulares |
Superficie afectada (m2) |
Bens afectados |
Importe total da expropiación |
|
1 |
1491035PH2019S0000YS |
Obdulia Vidal López, Dosinda Rodríguez Vidal e María Pilar Rodríguez Vidal |
34 |
16 m de peche con postes de formigón, bloque de 0,40 m de altura e malla metálica de 1,20 m; traslado de cancela metálica: piar de formigón 0,30×0,30×1,80 m |
1.274,78 € |
|
2 |
1491039PH2019S0001BD |
Alfredo Álvarez Vázquez e Purificación Arias Vázquez |
58 |
1 ud. árbore frondosa nova |
324,41 € |
Monforte de Lemos, 16 de abril de 2024
José Tomé Roca
Alcalde