Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:

Solicitante: UFD Distribución Electricidad, S.A.

Domicilio social: avenida de América, 38, 28028 Madrid.

Denominación: novo apoio na LMTA SDM7012699.

Situación: Vigo.

Características técnicas:

– Liña de media tensión aérea (LMTA) a 15 kV, con condutor LA-56, de 26 metros de lonxitude, coa orixe no apoio proxectado C-1000/12 na LMTA SDM7012699, situado na parcela con referencia catastral 54057A097002990000AR, en Veiga do Muíño, e final no apoio existente HV-1000/13 (9XOG3MEF).

– Retirada do tramo de LMTA YY11771636 de 143 metros de LA-30, desde o apoio HV-1000/13 (9XOG3MEF) ata o apoio C-1300/16 (9YSLUDUD).

A instalación está situada no lugar de Xesteira, en Bembrive, no municipio de Vigo (Pontevedra).

A relación concreta e individualizada dos bens ou dereitos que se van expropiar figura no anexo.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, avenida María Victoria Moreno, 43, 36071 Pontevedra, no prazo máximo de trinta días, a partir da última publicación ou notificación individual.

O proxecto encóntrase á disposición do público para a súa consulta no portal da Consellería de Economía, Industria e Innovación (https://economia.xunta.gal/transparencia/documentos-sometidos-a-informacion-publica?langId=gl_ES) durante o prazo de trinta días hábiles, contados a partir do día seguinte ao da publicación deste anuncio no Diario Oficial de Galicia.

Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.

Pontevedra, 2 de abril de 2024

Beatriz López del Olmo
Xefa territorial de Pontevedra

ANEXO

Nº expediente: IN407A 2023/498-4.

Denominación: novo apoio na LMTA SDM7012699.

Concello: Vigo.

Nº	Lugar	Cultivo	Referencia catastral	Titular	Apoio m2
1	Veiga do Muíño	Rústico	54057A097002990000AR	Descoñecido/a	1,21