De acordo co previsto no artigo 116 do Regulamento do dominio público hidráulico, aprobado polo Real decreto 849/1986, do 11 de abril, fago público para xeral coñecemento que, mediante a Resolución da Dirección de Augas de Galicia, do 19 de febreiro de 2024, e como resultado do expediente instruído para o efecto, se outorgou ao Concello da Laracha a modificación de características da concesión dun caudal de auga, que se lle outorgara na Resolución da Comisaría de Augas do Norte de España, do 6 de decembro de 1978, para aproveitar 40 l/segundo de auga do río Anllóns no lugar de Gabenlle, na parroquia de Torás (Santa María), no concello da Laracha (A Coruña), con destino a usos de abastecemento, gandeiro e industrial.

Santiago de Compostela, 25 de marzo de 2024

José Ángel Someso Anguita
Xefe do Servizo de Tramitación de Autorizacións e Concesións