En cumprimento do previsto no artigo 248 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de autorización de vertedura:
Solicitante: Contevigo-Contenedores de Vigo, S.L.
NIF: B-36743268.
Expediente: DH.V36.98635.
Lugar: polígono industrial da Pasaxe.
Parroquia: Vincios.
Concello: Gondomar.
Tipo de vertedura: augas residuais industriais de escorremento depuradas.
Caudal máximo anual: 3.526,81 m3/ano.
Punto de vertedura: X=522.591; Y=4.667.268.
Medio receptor: regato innominado (bacía da ría de Baiona).
Tratamento/evacuación:
As augas residuais industriais de escorremento xeradas nas instalacións son tratadas nun pozo decantador antes da súa conexión á rede de pluviais do polígono, cuxa vertedura se acaba incorporando a un regato innominado (bacía da ría de Baiona).
O proxecto pode consultarse na sección participación pública do portal da internet de Augas de Galicia (https://augasdegalicia.xunta.gal) e nas oficinas de Augas de Galicia situadas na praza de Camilo Díaz Baliño, 7-9, Santiago de Compostela, con cita previa no teléfono 981 54 50 87.
Os interesados poderán presentar alegacións durante o prazo de trinta días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 7 de marzo de 2024
Leticia Valladares López
Xefa da Área de Verteduras