Ao abeiro do disposto nos artigos 42, 44 e 46 da Lei 39/2015, do 1 de outubro, do procedemento administrativo común das administracións públicas, no uso das competencias atribuídas a esta xefatura territorial, intentada a notificación dos requirimentos de emenda das solicitudes, ditados pola xefatura territorial no último enderezo coñecido das persoas interesadas sen que esta se puidese efectuar por causas non imputables á Administración, notifícanse a través deste anuncio os ditos requirimentos ás persoas citadas no anexo, que se emprazan para que no prazo de dez (10) días hábiles contados desde o día seguinte ao da data da súa publicación no Boletín Oficial del Estado, comparezan en persoa ou debidamente representadas, nas dependencias do Servizo de Prestacións, Inclusión e Inmigración da Xefatura Territorial da Consellería de Política Social e Xuventude de Ourense (rúa Sáenz Díez, núm. 33, baixo), das 9.00 ás 14.00 horas, de luns a venres, para coñeceren o contido íntegro dos referidos actos. Transcorrido o dito prazo, de non facelo, teranse por efectuadas as notificacións no momento do vencemento do prazo indicado para comparecer.
Este anuncio publicarase tamén no Diario Oficial de Galicia, ben que a notificación quedará supeditada á súa publicación no Boletín Oficial del Estado.
Advírteselles que, transcorrido o prazo que se indique nos requirimentos, contado desde o día seguinte ao da súa notificación por comparecencia sen teren realizado a emenda, se considerarán desistidos das súas solicitudes, logo de resolución ditada nos termos previstos nos artigos 21 e 68.1 da Lei 39/2015, do 1 de outubro.
Ourense, 21 de marzo de 2024
María José Fernández Laso
Xefa territorial de Ourense
ANEXO
Procedemento BS626F
Nº de expediente |
Persoa interesada |
Acto administrativo |
Data do acto administrativo |
32054/0231/23-R |
Z1144141B |
Requirimento de emenda da solicitude |
26.1.2024 |
32059/0002/23-R |
X9877628W |
Requirimento de emenda da solicitude |
28.12.2023 |