En cumprimento do previsto no artigo 109 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:
Solicitante: Comunidad de Propietarios del Complejo Comercial Marineda City.
Volume total anual: 8.347,78 m3/ano.
Caudal máximo instantáneo: 1,59 l/s.
Destino: consumo de auga dos inodoros con fluxores do centro comercial Marineda City na parcela con referencia catastral 6494254NH4969S0000RH.
Lugar: Marineda City Cr Baños de Arteixo, nº 43.
Concello: A Coruña.
Descrición do aproveitamento:
O centro comercial dispón na actualidade dunha rede de recollida das augas pluviais das superficies das cubertas, praza e drenaxe que se verten á rede municipal. No punto de entrega no Camiño Grela Martinete xa se dispón dun alxibe de pluviais de 190 m³ desde onde bombean as pluviais cara a rede municipal.
Preténdese aproveitar as augas pluviais recollidas neste alxibe con fin de destinalas ás descargas dos fluxores dos inodoros do centro comercial, cando os períodos de choiva o permitan, de xeito que se complementen coa auga da traída municipal nos períodos de escaseza.
Para este fin, disporán dun bombeo a dous depósitos de 45 m3 cada un, logo de filtrado. Nos depósitos proxectados disporase dunha cloración.
As dúas redes manteranse de xeito independente mediante válvulas de corte motorizadas (todo/nada) e xestionadas polo sistema de control. Como sistema de seguridade proxectáronse dúas válvulas de retención para evitar o refluxo de auga en ambos sistemas.
O proxecto pode consultarse na sección participación pública do portal de internet de Augas de Galicia (https://augasdegalicia.xunta.gal), e nas oficinas deste servizo territorial situadas na rúa Vicente Ferrer, 2, 9º andar, 15008 A Coruña, solicitando cita previa no teléfono 981 18 25 30.
Os interesados poderán presentar alegacións durante o prazo de vinte días hábiles, contados a partir do seguinte á publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.
A Coruña, 14 de febreiro de 2024
Néstor Rodríguez Arias
Xefe do Servizo Territorial da Zona Hidrográfica de Galicia Norte