De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas (LPAC), intentada a notificación persoal sen que fora posible efectuala, notifícaselle á entidade propietaria das parcelas a seguinte Resolución da Alcaldía núm. 2023-3035, do 20 de decembro de 2023:
«I. Antecedentes.
1. Procedemento incoado para exixir o cumprimento das obrigas de xestión da biomasa derivadas da normativa tanto ambiental como urbanística de conservar e manter o solo natural e a masa vexetal nas condicións precisas que eviten a erosión e os incendios no camiño de Monterraso en Cedeira (referencias catastrais 36045A041015810000WU, 36045A041015820000WH, 36045A041025190000WA, 36045A041025210000WW e 36045A041025220000WA).
2. Trámite de audiencia sen que se presentasen alegacións.
II. Fundamentos de dereito.
Único. O artigo 136 da Lei 2/2016, do 10 de febreiro, do solo de Galicia (LSG), no mesmo sentido do artigo 333 do Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia (RLSG), establece que os concellos, de oficio ou por instancia de calquera interesado, mediante o correspondente expediente e logo da audiencia dos interesados, ditarán ordes de execución que obriguen os propietarios de bens inmobles a realizar as actuacións necesarias para dar debido cumprimento aos deberes sinalados no artigo 135 da LSG, en particular os de conservalos nas condicións legais de seguridade e salubridade.
Vistos os antecedentes e fundamentos xurídicos expostos, esta alcaldía
RESOLVE:
Primeiro. Ordenar a Promociones Illa de San Simón, S.L. que proceda á xestión da biomasa vexetal das parcelas coas referencias catastrais 36045A041015810000WU, 36045A041015820000WH, 36045A041025190000WA, 36045A041025210000WW e 36045A041025220000WA, no prazo de quince (15) días naturais contados a partir do día seguinte ao da recepción da notificación.
Con carácter xeral, informámolo/la de que, no caso de implicar a corta de árbores nos terreos de natureza urbana, non será necesario ningún permiso, e nos terreos de natureza rústica ou non urbanizables será necesario presentar na sede electrónica da Xunta de Galicia a seguinte declaración responsable (que ten efecto no mesmo día da súa presentación):
https://sede.xunta.gal/detalle-procedemento?codtram=MR604R&ano=2020&numpub=1&lang=es
Segundo. Apercibir a Promociones Illa de San Simón, S.L., propietaria da parcela, de que, de transcorrer o prazo antes sinalado sen se ter executado as medidas requiridas, se procederá á execución subsidiaria polo Concello de Redondela, ben a través de servizos propios, ben a través de empresa contratada para o efecto, con posterior repercusión dos custos en que se incorra, incluídos os de tramitación administrativa. Todo isto en aplicación do disposto no artigo 136.5 da LSG».
Redondela, 6 de marzo de 2024
Digna Rosa Rivas Gómez
Alcaldesa