Consonte o disposto no artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), emprázase para o trámite de audiencia a persoa indicada no anexo, no procedemento de cancelación individual no Rexistro de Parellas de Feito de Galicia, por resultar descoñecido o seu domicilio.

A persoa interesada dispón dun prazo de quince (15) días, a partir do seguinte ao da publicación deste anuncio no Boletín Oficial del Estado (BOE), para presentar por escrito as alegacións, documentos e/ou xustificacións que consideren pertinentes. Para iso pode consultar o seu expediente na sede da Xefatura Territorial de Lugo, na rolda da Muralla, nº 70, 1º, Lugo, das 9.00 ás 14.00 horas, de luns a venres.

Unha vez transcorrido o dito prazo, e vistas as alegacións, documentos e/ou xustificacións que consten no expediente, ditarase a resolución que proceda.

Lugo, 4 de marzo de 2024

Gerardo Criado Guizán
Xefe territorial de Lugo

ANEXO

Nº de expediente	Pasaporte	Acto notificado
LU-2019/00033	FV573963	Emprazamento para o trámite de audiencia no procedemento de cancelación individual no Rexistro de Parellas de Feito de Galicia.