Ao atoparse vacante a Consellería de Infraestruturas e Mobilidade, procede adoptar unha solución temporal ata a designación dunha persoa titular, tendo en conta a situación actual do goberno en funcións, tras a celebración de eleccións ata a toma de posesión da nova Xunta de Galicia.
Polo exposto, de acordo co artigo 26.3 da Lei 1/1983, do 22 de febreiro, de normas reguladoras da Xunta e da súa Presidencia, que establece que lle corresponde á Presidencia dirixir e coordinar a acción de goberno e asegurar a súa continuidade,
DISPOÑO:
Artigo un. A Presidencia da Xunta de Galicia encargarase temporalmente do despacho dos asuntos da Consellería de Infraestruturas e Mobilidade ata a designación da persoa titular.
Artigo dous. Para o exercicio das funcións previstas no artigo anterior, a Presidencia da Xunta de Galicia contará co apoio e asistencia técnica da Secretaría Xeral da Presidencia, de acordo co previsto no artigo 3 do Decreto 108/2022, do 16 de xuño, de estrutura orgánica dos órganos superiores e de dirección dependentes da Presidencia da Xunta de Galicia.
Santiago de Compostela, dezaoito de marzo de dos mil vinte e catro
Alfonso Rueda Valenzuela
Presidente