En cumprimento do previsto no artigo 109 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:

Solicitante: Comunidade de Usuarios A Fírveda.

Expediente: DH.A36.97968.

Volume total anual: 986,00 m3/ano.

Caudal máximo instantáneo: 0,29 l/s.

Destino: abastecemento.

Orixe: manancial na parcela 1035 do polígono 29 e pozo na parcela 831 do polígono 25.

Lugar: A Barcia e Cambeses.

Parroquia: A Barcia do Seixo.

Concello: A Lama.

Descrición:

A auga do manancial cáptase en arqueta aros formigón e condúcese a depósito na parcela 831 do polígono 25 ao que se bombea tamén a do pozo. Do depósito parte rede de distribución da auga ás vivendas que abastece a comunidade.

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal) e nas oficinas deste servizo territorial, situadas na rúa San Salvador, núm. 2, 4º, 36240 Vigo (Pontevedra), con cita previa no enderezo electrónico dgs.augas@xunta.gal

As persoas interesadas poderán presentar alegacións durante o prazo de vinte (20) días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Vigo, 14 de febreiro de 2024

Susana Pérez González
Xefa do Servizo Territorial Galicia-Sur