En cumprimento do disposto no artigo 13.3 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos neste, faise público que na correspondente oficina pública de depósito de estatutos de organizacións sindicais e empresariais desta dirección xeral, se acordou depositar o acordo de modificación dos estatutos de Sepga (Sindicato de Empleados Públicos de Galicia) (https://expinterweb.mites.gob.es/deose/publico/copiaEstatutos).
– Ámbito territorial: Comunidade Autónoma de Galicia.
– Ámbito profesional: poderá pertencer ao sindicato todo o persoal funcionario que forme parte dos corpos de Administración xeral ou especial da Comunidade Autónoma de Galicia e pertenza ao grupo A (subgrupos A1 e A2) nas diferentes escalas ou subescalas que os conformen.
– Asinantes: María Genma Soto Pérez e José Carlos Fagín Taboada.
Santiago de Compostela, 1 de marzo de 2024
Elena Mancha Montero de Espinosa
Directora xeral de Relacións Laborais