A Xunta de Goberno Local, na sesión ordinaria que tivo lugar o 22 de xaneiro de 2024, adoptou, entre outros, o seguinte acordo:
«Primeiro. Entender aprobado inicialmente por silencio administrativo o estudo de detalle para as parcelas 147 e 148 do Plan parcial Zapateira 2, que achegou Felipe García Carnicero, asinado polos arquitectos Carlos Frutos García e Javier Vecino Martín en xullo de 2021, en aplicación do disposto no artigo 76.1 da LSG.
Segundo. Acordar continuar a tramitación do procedemento e someter o documento aprobado inicialmente ao trámite de información pública por un prazo dun mes mediante un anuncio que se publicará no Diario Oficial de Galicia e nun dos xornais de maior difusión na provincia.
Terceiro. Notificar o acordo ao promotor como propietario único das parcelas afectadas e aos colindantes.
Cuarto. Advertir que o acordo de aprobación inicial determina a suspensión do outorgamento de aprobacións, autorizacións e licenzas urbanísticas, na área de modificación do réxime urbanístico vixente. A duración da suspensión comprende o prazo máximo de dous anos, que se extinguirá coa aprobación definitiva do planeamento».
Durante este prazo poderase examinar o documento na Área de Urbanismo (na casa do concello situada na rúa do Concello, número 12, Culleredo), de luns a venres e das 9.00 ás 14.00 horas.
Culleredo, 6 de febreiro de 2024
José Ramón Rioboo Castro
Alcalde presidente