En cumprimento do previsto no artigo 109 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:
Solicitante: Comunidade de Regantes da Furna.
Expediente: DH.A36.67711.
Volume total anual: 4.240,60 m3/ano.
Caudal máximo instantáneo: 0,32 l/s.
Destino: rega.
Orixe: dous mananciais:
– M1 na parcela 980 do polígono 66 do Catastro de Meaño.
– M2 na parcela 1.026 do polígono 66 do Catastro de Meaño.
Lugar: Vilariño.
Parroquia: Simes.
Concello: Meaño.
Descrición do aproveitamento:
A auga de M1 cáptase mediante arqueta aros formigón duns 2,0 m profundidade e condúcese a arqueta de reunión á que chega tamén a de M2, captada en mina-galería. Da arqueta lévase a caseta de depósitos na parcela 1163 do polígono 66, que contén 22 depósitos individuais desde os cales se distribúe ás parcelas de rega.
O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal), e nas oficinas deste servizo territorial, situadas na rúa San Salvador, 2, 4º, 36240 Vigo (Pontevedra), solicitando cita previa ao enderezo electrónico dgs.augas@xunta.gal
Os interesados poderán presentar alegacións durante o prazo de vinte días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.
Vigo, 5 de febreiro de 2024
Susana Pérez González
Xefa do Servizo Territorial da Zona Hidrográfica de Galicia Sur