Aprobada inicialmente polo Pleno municipal en sesión do 28 de abril de 2023 a modificación puntual do Plan xeral de ordenación municipal do Concello de Quiroga na regulación da provisión de prazas de aparcadoiro, en cumprimento de tal acordo e das prescricións contidas no artigo 60 da Lei 2/2016, do 10 de febreiro, do solo de Galicia, sométese o expediente a información pública polo prazo de dous (2) meses, mediante anuncio que se publicará no Diario Oficial de Galicia, no xornal El Progreso, así como na sede electrónica deste concello https://concellodequiroga.sedelectronica.es/, contado desde o día seguinte ao da publicación do presente anuncio no Diario Oficial de Galicia.
Durante o período de información pública quedará o expediente á disposición de calquera que queira examinalo, para os efectos de que se presenten as alegacións que se consideren pertinentes.
A aprobación inicial comporta a suspensión do outorgamento das licenzas nas áreas afectadas pola modificación do Plan xeral e que son as seguintes:
Áreas obxecto de suspensión de licenzas: en todo o termo municipal e en todas as clasificacións do solo.
Tipo de licenzas: licenzas de edificación.
A duración máxima da suspensión é de dous anos contados desde a aprobación inicial, extinguíndose, en todo caso, coa aprobación definitiva da modificación do plan.
Quiroga, 15 de febreiro de 2024
José Luis Rivera Castro
Alcalde