De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselle á persoa interesada que se relaciona no anexo a resolución do expediente de reclamación, logo de ser rexeitada por non acceder en prazo á notificación electrónica a través do Sistema de notificación electrónica de Galicia (Notifica.gal).

Para coñecer o contido íntegro do acto que se notifica, a persoa interesada poderá comparecer, no prazo de dez días hábiles contados desde o seguinte ao da publicación deste anuncio, nas dependencias da Xefatura Territorial da Consellería de Economía, Industria e Innovación, sitas na avenida María Victoria Moreno, 43, 5º andar, Pontevedra, das 9.00 ás 14.00 horas, de luns a venres.

Transcorrido o dito prazo sen se efectuar a comparecencia, a notificación entenderase producida o día da publicación deste anuncio no taboleiro de edictos único do Boletín Oficial del Estado.

Contra esta resolución, que non pon fin á vía administrativa, poderá a persoa interesada interpoñer recurso de alzada, perante a persoa titular da Consellería de Economía, Industria e Innovación, no prazo dun mes contado a partir do día seguinte ao da súa comparecencia ou ao da publicación deste anuncio no taboleiro de edictos único do Boletín Oficial del Estado, de conformidade co disposto nos artigos 121 e 122 da dita Lei 39/2015.

Pontevedra, 27 de febreiro de 2024

Beatriz López del Olmo
Xefa territorial de Pontevedra

ANEXO

Expediente de reclamación eléctrica: IN635A 2023/458-4.

Interesada: Eléctrica de Catoira, S.L.

NIF: B94149150.

Acto notificado: resolución.