Mediante a Resolución reitoral do 2 de outubro de 2023 (DOG do 11 de outubro de 2023 e BOE do 24 de novembro de 2023), convócase o procedemento selectivo para cubrir, pola quenda de acceso libre, unha praza de persoal empregado investigador da categoría de técnico/a especialista de investigación, no marco da estabilización extraordinaria de emprego temporal, de acordo co establecido na Resolución do 29 de xuño de 2023 pola que, en execución da sentenza, se complementa a oferta de emprego público desta universidade e dos seus entes adscritos para o ano 2022.

Rematado o prazo de presentación de solicitudes, declarouse aprobada e fíxose pública a relación provisional de persoas admitidas e excluídas á citada convocatoria pola quenda de acceso libre,

RESOLVO:

Primeiro. Declarar aprobada e facer pública a relación definitiva de persoas admitidas e excluídas á citada convocatoria pola quenda de acceso libre.

Segundo. Indicar que a citada relación definitiva está exposta no taboleiro electrónico da USC e na web http://imaisd.usc.es/seccion.asp?i=gl&s=-2-26-128-364

Contra esta resolución, que esgota a vía administrativa, poderase interpoñer recurso contencioso-administrativo, ante o Xulgado do Contencioso-Administrativo de Santiago de Compostela/Lugo, no prazo de dous meses contados a partir do día seguinte ao da súa publicación no taboleiro de anuncios da USC, de conformidade cos artigos 46 e 8.2.a) da Lei da xurisdición contencioso-administrativa, aprobada pola Lei 29/1998, do 13 de xullo.

Non obstante, as persoas interesadas poderán interpoñer recurso potestativo de reposición no prazo dun mes ante o órgano que ditou a resolución. Neste caso, non se poderá interpoñer o recurso contencioso-administrativo anteriormente sinalado mentres non exista resolución expresa ou presunta do recurso contencioso-administrativo de reposición, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 21 de febreiro de 2024

Antonio López Díaz
Reitor da Universidade de Santiago de Compostela