De conformidade co disposto no artigo 118 da Lei do solo de Galicia, comunícase que o Pleno do Concello de Narón, en sesión ordinaria que tivo lugar o día 28 de decembro de 2023, adoptou o acordo de aprobación inicial e declarar de utilidade pública o proxecto de expropiación polo procedemento de taxación conxunta, dos terreos correspondentes á conexión viaria exterior CE-2. Polígono industrial Río do Pozo. Fase IV.

Así mesmo, acordouse someter a información pública por período dun (1) mes o referido proxecto, mediante a inserción de anuncios no Diario Oficial de Galicia, no taboleiros de edictos do concello e nun xornal dos de maior circulación da provincia.

Para estes efectos e desde o día seguinte ao da publicación no Diario Oficial de Galicia, o proxecto poderá consultarse nas dependencias do Servizo de Expropiacións, sito no 6º andar da casa do concello, de luns a venres, das 8.30 ás 13.00 horas, previa cita telefónica.

Procederase tamén á notificación individualizada, con traslado literal das follas de valoración e da proposta de fixación dos criterios de valoración, a todos aqueles que aparezan como titulares de bens e dereitos no expediente, para que poidan formular cantas alegacións e reclamacións consideren oportunas tanto con respecto ao expediente expropiatorio como á fixación do xusto prezo por idéntico prazo dun (1) mes, contado desde o día seguinte ao da recepción da notificación.

En cumprimento do establecido no artigo 44 da Lei 39/2015, do 1 de outubro, do procedemento administrativo común das administracións públicas, o presente anuncio serve de notificación aos interesados que poidan resultar descoñecidos, se ignore o lugar para a práctica da notificación ou ben, intentada a notificación, non se puidese efectuar.

Narón, 8 de xaneiro de 2024

Marián Ferreiro Díaz
Alcaldesa presidenta

ANEXO

Relación de bens e dereitos afectos

Nº de predio	Referencia catastral	Superficie predio	Afección	Superficie afectada	Titular
01	5517209NJ6251N0000MW	40.342,74 m2	Parcial	2.586 m2	Francisco Mata, S.A.