Inclúese a continuación o texto do acordo adoptado:

«(…) Primeiro. Aprobar inicialmente a modificación puntual nº 10 do Plan xeral de ordenación urbana (PXOU) do Concello de Chantada (Lugo) e ordenación detallada dun sector de solo urbanizable situado no lugar de Pousada, nos termos que constan no expediente.

Segundo. De conformidade co disposto no artigo 47.2 da Lei 2/2016, do 10 de febrero, do solo de Galicia, e no número 2 do artígo 86 do Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia, acordar a suspensión do procedemento de outorgamento de licenzas por un periodo temporal máximo de dous anos, nos termos e ámbitos previstos no resumo executivo relativo á suspensión de licenzas resultante da aprobación inicial da modificación puntual nº 10 do PXOU do Concello de Chantada (Lugo) e ordenación detallada dun sector de solo urbanizable situado no lugar de Pousada.

En consonancia co disposto no número 1 do artigo 47 da Lei 2/2016, do 10 de febrero, do solo de Galicia, debe entenderse que a suspensión determinada polo acordo de aprobación inicial do planeamento tamén estará referida ás licenzas de parcelación, edificación e demolición.

Terceiro. De conformidade co artigo 60 da Lei 2/2016, do 10 de febreiro, do solo de Galicia, abrir un período de información pública durante un prazo de dous meses, mediante anuncio no taboleiro de edictos do Concello, no Diario Oficial de Galicia e nun dos xornais de maior difusión na provincia.

Cuarto. Dar traslado da documentación ao órgano competente en materia de urbanismo para os efectos previstos no artigo 60 da Lei 2/2016, do 10 de febreiro, do solo de Galicia.

Quinto. De conformidade co artigo 60.8 da Lei 2/2016, do 10 de febreiro, do solo de Galicia, solicitar, no momento que corresponda, os demais informes sectoriais que resulten preceptivos, de conformidade coa lexislación vixente (...)».

Visto o acordo transcrito de aprobación inicial da modificación puntual do PXOU de Chantada, nº 10, por Acordo do Pleno do 1 de febreiro de 2024, de conformidade co artigo 60.6 da Lei 2/2016, do 10 de febreiro, do solo de Galicia, sométese a información pública durante o prazo de dous meses a contar desde o día seguinte ao da publicación do presente anuncio no Diario Oficial de Galicia.

Durante o devandito prazo poderá ser examinado por calquera interesado nas dependencias municipais para que formule as alegacións que considere pertinentes.

Así mesmo, estará á disposición na sede electrónica do Concello:

[http://chantada.sedelectronica.es], xunto coas ligazóns de acceso á documentación técnica.

Así mesmo, suspéndese o outorgamento de licenzas nas áreas afectadas pola modificación puntual inicialmente aprobada e cuxas novas determinacións supoñan modificación do réxime urbanístico vixente, segundo o indicado no parágrafo segundo do acordo de aprobación inicial transcrito.

Chantada, 2 de febreiro de 2024

Manuel Lorenzo Varela Rodríguez
Alcalde