O Pleno municipal do Concello de Mos, na sesión ordinaria que tivo lugar o 26 de decembro de 2023, adoptou os seguintes acordos:
Primeiro. Aprobar definitivamente o proxecto do Plan parcial de ordenación do solo urbanizable delimitado industrial SUDI-06 do Concello de Mos, en desenvolvemento do PXOM presentado por Meifus Inbest, S.L., con CIF B36988350.
Segundo. Publicar este acordo de aprobación definitiva no DOG no prazo dun mes desde a súa adopción. Xunto coa publicación deste acordo publicarase a referencia ao enderezo electrónico en que figurará o contido íntegro deste plan parcial á disposición del público (artigo 82.2 da LSG). Unha vez publicado o anuncio no DOG, remitirase un exemplar deste plan parcial en soporte dixital, debidamente dilixenciado, á Consellería de Medio Ambiente, Territorio e Vivenda para a súa inscrición no Rexistro de Planeamento Urbanístico de Galicia. Esta inscrición será requisito de eficacia do acordo de aprobación definitiva (artigo 88 da LSG). A solicitude de inscrición do instrumento no Rexistro levarase a cabo mediante o correspondente modelo normalizado, establecido pola Orde do 10 de marzo de 2017 pola que se establecen os modelos normalizados de solicitudes para a inscrición, modificación e certificación de datos no Rexistro de Planeamento Urbanístico de Galicia, previstas no Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia. Posteriormente, publicarase o anuncio no BOP, conforme o establecido nos artigos 82.3 e 88.4 da LSG.
Terceiro. Notificarlles este acordo ás persoas interesadas e indicarlles que contra el poderán interpor recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses, contados a partir do día seguinte ao da notificación do presente acto, o cal pon fin á vía administrativa, sen prexuízo de que poidan interpor calquera outro recurso ou reclamación que consideren conveniente ao seu dereito.
Cuarto. Levantar a suspensión das licenzas nas áreas afectadas polo plan parcial, adoptada no acordo de aprobación inicial.
Quinto. Facultar a Alcaldía presidencia para cantas actuacións sexan necesarias para a mellor execución do acordado.
O contido íntegro do documento aprobado poderá consultarse na seguinte ligazón:
Expte_501_2020_SUDI06 MOS AD01
Mos, 8 de febreiro de 2024
Nidia María Arévalo Gómez
Alcaldesa