Cumpridos os trámites previstos na Lei 6/2017, do 12 de decembro, de portos de Galicia, acordouse, en virtude do indicado no seu artigo 70.13, dar publicidade á resolución, que pon fin á vía administrativa, do outorgamento da seguinte concesión en dominio público portuario, con suxeición ás condicións estipuladas no prego de condicións correspondente:

Data da resolución: 2.2.2023.

Tipo de trámite: modificación substancial de concesión no dominio público portuario.

Código da concesión: 13-11-97-C-1.

Obxecto da concesión: ocupación de terreos con destino á construción e explotación dun porto deportivo no porto de Sanxenxo.

Porto: Sanxenxo.

Concesionario: Nauta Sanxenxo, S.L.

Superficie concedida no título concesional: 119.757 m2.

Investimento: 863.716,33 € (sen IVE).

Prazo da concesión: ata o 15.10.2047.

Taxas que se devindicarán a Portos de Galicia: 161.837,88 € anuais (IVE excluído), en concepto de taxas de ocupación do dominio público portuario e en concepto de taxas por desenvolvemento de actividades comerciais ou industriais e de servizos, unha porcentaxe do importe neto da cifra de negocio anual que corresponderá ao 1 % das actividades portuarias e ao 2 % das actividades non portuarias.

Contra os citados actos administrativos, que esgotan a vía administrativa, cabe interpor recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous (2) meses contados a partir do día seguinte ao da publicación da resolución en que se fai público o outorgamento.

Non obstante, os interesados poderán interpor contra esta resolución recurso potestativo de reposición, no prazo dun (1) mes contado a partir do día seguinte ao desta publicación, ante o mesmo órgano que a ditou, de acordo co disposto no artigo 123 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 12 de febreiro de 2024

José Antonio Álvarez Vidal
Presidente de Portos de Galicia