En cumprimento do disposto na Lei 24/2013, do 26 de decembro, do sector eléctrico, no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 9/2021, do 25 de febreiro, de simplificación administrativa e de apoio á reactivación económica de Galicia, sométese a información pública a solicitude relacionada coas instalacións que se describen a seguir:
Solicitante: Red Eléctrica de España, S.A. (A85309219).
Domicilio social: paseo Conde de los Gaitanes, 177, 28109 Alcobendas (Madrid).
Denominación: ampliación da subestación Conso 220 kV.
Situación: concello de Vilariño de Conso.
Características principais recollidas no proxecto:
– Ampliación da subestación Conso, no parque de 220 kV, coa construción e equipamento dunha nova posición, denominada EvRE con tecnoloxía AIS, instalación convencional exterior e configuración de dobre barra.
O obxecto da información pública será a autorización administrativa previa, a autorización administrativa de construción e a declaración de utilidade pública, en concreto, da citada instalación eléctrica. A declaración de utilidade pública levará implícita, de acordo co artigo 56 da Lei 24/2013, do 26 de decembro, do sector eléctrico, a necesidade da urxente ocupación para os efectos da expropiación forzosa dos bens e dereitos afectados necesarios para o establecemento destas instalacións.
Documentación que se expón:
1. O proxecto de execución, asinado polo enxeñeiro industrial David González Jouanneau, colexiado núm. 11.729 do COIIM, en agosto de 2023.
2. A relación concreta e individualizada dos propietarios de bens e de dereitos afectados, que figura no anexo a este acordo.
3. Os planos parcelarios do proxecto.
O que se fai público para o coñecemento xeral así como, en particular, dos propietarios dos predios que figuran na relación anexa a este acordo e das persoas que, sendo titulares de dereitos reais ou intereses económicos sobre os bens afectados, fosen omitidas, para que poidan examinar a documentación técnica anteriormente relacionada e, se for o caso, presentar as alegacións ou observacións que coiden oportunas dentro do prazo de trinta (30) días, que se contará a partir do día seguinte ao da publicación deste acordo no Diario Oficial de Galicia.
Toda a documentación se poderá examinar na Xefatura Territorial da Consellería de Economía, Industria e Innovación de Ourense, na rúa Curros Enríquez, núm. 1, 32003 Ourense, e na seguinte ligazón web da Consellería:
http://ceei.xunta.gal/transparencia/documentos-sometidos-a-informacion-publica
Ourense, 11 de xaneiro de 2024
Alicia María López Míguez
Xefa territorial de Ourense
ANEXO
Relación de bens e dereitos afectados
Núm. de expediente: IN407A 2023/171-3.
Situación: concello de Vilariño de Conso.
Denominación: ampliación da subestación Conso 220 kV.
Predio núm. en proxecto: 1; referencia catastral: 32093A014003550000TI.
Polígono: 14
Parcela: 355.
Titular: Iberdrola, S.A.
Tipo de terreo: rústico.
Afeccións: 1.903 m² de ocupación de pleno dominio e 1.749 m² de ocupación temporal.