A Deputación Provincial da Coruña, na sesión plenaria ordinaria que tivo lugar o 2 de febreiro de 2024, adoptou o seguinte acordo:

«13. Aprobación da aceptación da delegación de competencias do Concello de Outes (IVTM).

1. Aceptar a delegación das competencias acordada polo Concello de Outes en relación coa seguinte materia:

Xestión, inspección e recadación voluntaria e executiva do imposto sobre vehículos de tracción mecánica ou do imposto municipal que o complemente ou substitúa no futuro.

2. A delegación entrará en vigor unha vez que sexa publicado este acordo no Boletín Oficial da provincia e o seu exercicio levarase a cabo nos termos establecidos nas bases para a prestación de servizos tributarios aos concellos da provincia, aprobadas para o efecto por esta deputación provincial».

O anterior faise público para xeral coñecemento.

A Coruña, 12 de febreiro de 2024

O presidente da Deputación Provincial da Coruña P.D. (Resolución 33475/2023) José Ramón Rioboo Castro Deputado delegado de Persoal

Amparo Taboada Gil Secretaria xeral da Deputación Provincial da Coruña