De conformidade co establecido no Decreto 206/2005, do 22 de xullo (DOG nº 145, do 29 de xullo), de provisión de prazas de persoal estatutario do Servizo Galego de Saúde, así como no artigo 3 da Orde da Consellería de Sanidade, do 24 de maio de 2006 (DOG  106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, en virtude das competencias atribuídas polo Decreto 137/2019, do 10 de outubro (DOG nº 208, do 31 de outubro), polo que se establece a estrutura orgánica do Servizo Galego de Saúde, a Orde do 22 de abril de 2020 (DOG núm. 82, do 29 de abril) sobre delegación de competencias en órganos centrais e periféricos da Consellería de Sanidade, e do Servizo Galego de Saúde, e o Decreto 134/2019, do 10 de outubro (DOG nº 204, do 25 de outubro), polo que se regulan as áreas sanitarias e os distritos sanitarios do Sistema público de saúde de Galicia, a xerente da Área Sanitaria de Santiago de Compostela e Barbanza,

RESOLVE:

Primeiro. Anunciar a convocatoria para cubrir, mediante o procedemento de concurso de méritos e a defensa dun proxecto técnico relacionado coa xestión da unidade, a provisión dos postos de traballo da Área Sanitaria de Santiago de Compostela e Barbanza que se indican no anexo.

Segundo. As solicitudes para participar nesta convocatoria, xunto coa documentación a que se refiren as súas bases, presentaranse, dirixidas á Xerencia da Área Sanitaria de Santiago de Compostela e Barbanza, no Rexistro Xeral da Área Sanitaria de Santiago de Compostela e Barbanza, situada no Hospital Clínico, na travesía da Choupana, s/n, 15706 Santiago de Compostela, ou a través de calquera dos rexistros previstos na Lei 39/2015, do 1 de outubro, do procedemento administrativo común das administracións públicas, no prazo de vinte (20) días naturais contados a partir do seguinte ao da publicación deste anuncio no Diario Oficial de Galicia.

Terceiro. As bases íntegras da convocatoria estarán expostas nos taboleiros de anuncios dos centros dependentes da Área Sanitaria de Santiago de Compostela e Barbanza, nos puntos de atención ao traballador (PAT) da Dirección de Recursos Humanos, na intranet da Área Sanitaria de Santiago de Compostela e Barbanza, así como na páxina web do Servizo Galego de Saúde (www.sergas.es).

Santiago de Compostela, 5 de outubro de 2023

Eloína Núñez Masid
Xerente da Área Sanitaria de Santiago de Compostela e Barbanza

ANEXO

Nome da unidade: UCA/Esterilización.

Centro: Hospital Médico Cirúrxico de Conxo.

Nº de prazas: Unha.

Nome da unidade: UCI/URPA (Despertar).

Centro: Hospital Médico-Cirúrxico de Conxo.

Nº de prazas: unha.

Nome da unidade: Uroloxía/Otorrinolaringoloxía/Maxilofacial.

Centro: Hospital Clínico Universitario de Santiago de Compostela.

Nº de prazas: unha.

Nome da unidade: Urxencias Adultos Tarde.

Centro: Hospital Clínico Universitario de Santiago de Compostela.

Nº de prazas: unha.

Nome da unidade: Unidade Transplantes Abdominais.

Centro: Hospital Clínico Universitario de Santiago de Compostela.

Nº de prazas: unha.

Nome da unidade: Unidade Atención Continuada M-UR.

Centro: Hospital Psiquiátrico de Conxo.

Nº de prazas: unha.

Nome da unidade: Unidade Atención Continuada UME-H2.

Centro: Hospital Psiquiátrico de Conxo.

Nº de prazas: unha.

Nome da unidade: Atención Continuada.

Centro: Hospital Clínico Universitario de Santiago de Compostela.

Nº de prazas: unha.

Nome da unidade: Farmacia.

Centro: Complexo Universitario de Santiago de Compostela.

Nº de prazas: unha.

Nome da unidade: Hospital Día Oncoloxía.

Centro: Hospital Clínico Universitario de Santiago de Compostela.

Nº de prazas: unha.

Nome da unidade: Medicina Interna.

Centro: Hospital Clínico Universitario de Santiago de Compostela.

Nº de prazas: unha.

Nome da unidade: Pneumoloxía-UMAP.

Centro: Hospital Clínico Universitario de Santiago de Compostela.

Nº de prazas: unha.

Nome da unidade: Psiquiatría.

Centro: Hospital Gil Casares.

Nº de prazas: unha.