O Pleno do Concello, na sesión ordinaria realizada o 14 de decembro de 2023, adoptou, entre outros, o seguinte acordo:

«Primeiro. Cambiar o uso dunha superficie de 440,81 m2 de solo da parcela situada na avenida do Ferrocarril, 24, con referencia catastral 7600911NH4979N, cualificados como vía local pública, pasando a ter una cualificación urbanística de equipamento público.

Segundo. Mudar a cualificación urbanística do equipamento de continxencia “SL-EQ-DM (Ob)”, prevista pola modificación puntual do PXOM/13, pasando a ter unha cualificación de equipamento administrativo “SL-AD (Ob)”.

Terceiro. Publicar este acordo no Diario Oficial de Galicia e no Boletín Oficial da provincia.

Cuarto. Remitir o acordo á Consellería de Medio Ambiente, Territorio e Vivenda da Xunta de Galicia e aos departamentos municipais interesados na súa tramitación, para os efectos do seu coñecemento».

O contido íntegro do cambio de uso aprobado pódese consultar fisicamente nas dependencias da Área Municipal de Urbanismo; e de forma dixital na sede electrónica deste concello, no enderezo electrónico https://www.coruna.gal/urbanismo, na epígrafe planeamento/planeamento vixente, ou ben, desde a mesma páxina web, a través do visor «desenvolvemento do planeamento».

Contra este acordo, con carácter de disposición administrativa de carácter xeral, pódese interpoñer directamente recurso contencioso-administrativo perante a sala correspondente do Tribunal Superior de Xustiza de Galicia (artigo 84.1 da Lei 2/2016, do 10 de febreiro, do solo de Galicia, e artigo 201.1 do seu regulamento), no prazo máximo de dous meses que se contarán a partir do día seguinte ao da publicación deste anuncio, de conformidade co disposto no artigo 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de interpoñer calquera outro recurso que se entenda máis procedente e sexa conforme a dereito.

A Coruña, 28 de decembro de 2023

A alcaldesa
P.D. (Decreto 4538/2023, do 21 de xuño;
BOP núm. 121, do 27 de xuño)
José Manuel Lage Tuñas
Concelleiro delegado responsable da Área
de Economía e Planificación Urbana