Mediante o Acordo da Xunta de Goberno Local do 29.12.2023 aprobouse inicialmente o estudo de detalle para a ordenación de volumes nunha parcela na confluencia das rúas Joaquín Fernández Sestelo e Lagoela (Salceda de Caselas).
De conformidade co artigo 80.2 da Lei 2/2016, do 10 de febreiro, do solo de Galicia, así como co artigo 194.2 do seu regulamento, sométese o expediente a información pública durante o prazo dun mes, contado desde o día seguinte ao da publicación do presente anuncio no Diario Oficial de Galicia.
Durante o período de información pública, quedará o expediente á disposición de calquera que queira examinalo, para os efectos de que se presenten as alegacións que se consideren pertinentes. Así mesmo, estará á disposición das persoas interesadas na sede electrónica deste concello: salcedadecaselas.sedelectronica.gal/
Se transcorrido o devandito prazo non se presentaron alegacións, o documento será elevado para a súa aprobación definitiva, se procede.
Salceda de Caselas, 16 de xaneiro de 2024
María Dolores Castiñeira Alén
Alcaldesa