De acordo co previsto no artigo 116 do Regulamento do dominio público hidráulico, aprobado polo Real decreto 849/1986, do 11 de abril, publícase, para xeral coñecemento que, mediante a Resolución da Dirección de Augas de Galicia do 9 de xuño de 2023 e, como resultado do expediente incoado para o efecto, outorgouse á Comunidade de Usuarios Pedra Vicuda unha concesión de 5.425,01 m³ anuais de auga que procede dun manancial situado no lugar de Vilar da Torre, parroquia de Lañas (Santa Baia), no concello da Baña (A Coruña), con destino a abastecemento, rega e gandeiro.
Santiago de Compostela, 15 de decembro de 2023
José Ángel Someso Anguita
Xefe do Servizo de Tramitación de Autorizacións
e Concesións