Para os efectos previstos no artigo 36 da Lei 21/2013, do 9 de decembro, de avaliación ambiental (BOE núm. 296, do 11 de decembro) faise público que, por espazo de 30 días hábiles, contados a partir do seguinte ao da publicación deste anuncio no Diario Oficial de Galicia, quedará exposto o documento titulado:

– Estudo de impacto ambiental de proxecto para autorización de actividades de xestión de residuos. Lugar de Senande-Muxía (A Coruña).

Para que calquera interesado poida consultalos e, de ser o caso, formular dentro do prazo as alegacións, suxestións ou observacións que xulgue convenientes, os documentos poderán consultarse en horario de atención ao público:

• Na Dirección Xeral de Calidade Ambiental, Sostibilidade e Cambio Climático, Servicio de Residuos (rúa de San Lázaro, s/n,15781, Santiago de Compostela);

• Na Xefatura Territorial da Vicepresidencia Segunda e Consellería de Medio Ambiente, Territorio e Vivenda da Coruña (rúa Vicente Ferrer, 2, 15071, A Coruña);

• No Concello de Muxía (rúa Real, 35. Muxía, A Coruña).

As alegacións, suxestións ou observacións dirixiranse ao Servicio de Residuos.

Santiago de Compostela, 17 de xaneiro de 2024

María Sagrario Pérez Castellanos
Directora xeral de Calidade Ambiental,
Sostibilidade e Cambio Climático

ANEXO I

Expedientes: 2020-SC-I-00202/2020-SC-I-00203.

Titular: Ecodaisan, S.L.

NIF: B70604681.

Actividade: valorización de residuos non perigosos.