De conformidade co disposto nos artigos 44 e 46 da Lei 39/2015, do procedemento administrativo común das administracións públicas, notifícase a Luis Paulo Afonso Verde como titular do vehículo marca Toyota, modelo Corolla, con matrícula 00-05-ND, o seguinte requirimento, por non ser posible a notificación a través do servizo de Correos.

Segundo a acta de infracción levantada por axentes do PAFIF da Garda Civil da Guarda o 19 de outubro de 2023, o vehículo que se identifica está estacionado en claro estado de abandono con rodas pinchadas e restos de táboas e redes no seu interior na zona portuaria da Pasaxe desde o mes de agosto de 2023.

Considerando o exposto, e toda vez que na zona onde se atopa o vehículo a entidade pública Portos de Galicia é a Administración competente en materia de tráfico cara ao tratamento residual do vehículo, segundo dispón o artigo 128 da Lei 6/2017, do 12 de decembro, de portos de Galicia, de conformidade co disposto no artigo 106 do Real decreto lexislativo 6/2015, do 30 de outubro, que aproba o texto refundido da Lei sobre tráfico, circulación de vehículos de motor e seguridade viaria, requírese ao titular para que, nun prazo máximo dun mes contado desde a publicación da presente cédula no Boletín Oficial del Estado, proceda a retirar o vehículo da zona de servizo do porto da Pasaxe.

No caso de incumprirse o presente requirimento, Portos de Galicia, sen máis trámites, daralle ao vehículo tratamento de residuo, e procederá, en consecuencia, ao seu traslado a centro autorizado de tratamento de vehículos para a súa posterior destrución e descontaminación.

O anterior enténdese sen prexuízo das sancións administrativas que procedan en dereito.

Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no Boletín Oficial del Estado.

Santiago de Compostela, 29 de decembro de 2023

Roi Fernández Añón
Director de Portos de Galicia