Mediante o Acordo plenario do 30 de novembro de 2023 apróbase inicialmente o Plan especial de infraestruturas e dotacións (PEID) Residencial Augas Santas, de conformidade co artigo 75.1.a) da Lei 2/2016, do 10 de febreiro, do solo de Galicia, e co artigo 186.1.a) do Regulamento da Lei 2/2016, do 10 de febreiro, do solo de Galicia, aprobado polo Decreto 143/2016, do 22 de setembro, e sométese a información pública polo prazo de dous meses contados desde a última publicación no Diario Oficial de Galicia. Así mesmo, estará á disposición na sede electrónica deste concello (https://concellodetrazo.es/).
Durante o dito prazo, poderá ser examinado por calquera persoa interesada, nas dependencias municipais, para que se formulen as alegacións que se consideren pertinentes.
Se, transcorrido o dito prazo, non se presentan alegacións, o documento será elevado para a súa aprobación definitiva, se procede.
Trazo, 19 de decembro de 2023
Josefina Suárez López
Alcaldesa