De conformidade coa proposta da comisión designada para xulgar o concurso de acceso que convocou esta universidade pola Resolución do 15 de septiembre de 2023 (BOE do 2 de outubro de 2023), para a provisión da praza número 23/030, de profesor titular de universidade da área de coñecemento de Enxeñaría Hidráulica, departamento de Enxeñaría Civil desta universidade, a favor de José Anta Álvarez, con DNI núm. ***2415**, e unha vez que a persoa interesada acreditou os requisitos establecidos na convocatoria.
Esta reitoría, no uso das atribucións que lle confire o artigo 50 da Lei 2/2023, do 22 de marzo, do sistema universitario, e demais disposicións que a desenvolven, resolveu nomear a José Anta Álvarez profesor titular de universidade da área de coñecemento de Enxeñaría Hidráulica, departamento de Enxeñaría Civil desta universidade.
No prazo máximo de vinte días contado desde o día seguinte ao da publicación deste nomeamento no Boletín Oficial del Estado, a persoa candidata deberá tomar posesión do seu destino.
Contra a presente resolución, que esgota a vía administrativa, poderase interpoñer recurso contencioso-administrativo no prazo de dous meses, que se contarán desde o día seguinte ao da súa publicación, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa. Previamente, e con carácter potestativo, poderase interpoñer recurso de reposición ante esta reitoría, no prazo dun mes, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas (BOE do 2 de outubro).
A Coruña, 11 de xaneiro de 2024
Julio Ernesto Abalde Alonso
Reitor da Universidade da Coruña