O Pleno da Corporación, en sesión ordinaria do 28 de novembro de 2023, adoptou, entre outros, o seguinte acordo:

Primeiro. Aprobar definitivamente a modificación do estudo de detalle no ámbito da rúa Otero Pedrayo, Nigrán, nos termos propostos no documento asinado polo técnico redactor o 27.2.2023 (CSV C1QK5YCG4YWQOE8J).

Segundo. Publicar o acordo de aprobación definitiva, notificalo na forma prevista na lexislación aplicable e dar conta á consellería competente en materia de urbanismo e ordenación do territorio, de conformidade co artigo 88 da LSG e 209 do RSG, á vez que se lle dá traslado dun exemplar en soporte dixital, debidamente dilixenciado, co fin de ser inscrito no Rexistro de Planeamento Urbanístico de Galicia.

Contra o citado acordo, en aplicación do artigo 112.3 da Lei 39/2015, do 1 de outubro, do procedemento administrativo común das administracións públicas, e dado que aproba unha disposición de carácter xeral, poderase interpor recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ao da publicación deste anuncio, de conformidade coa Lei 29/1998, do 13 de xullo, da xurisdición contencioso-administrativa. Todo iso sen prexuízo de que se poida interpor calquera outro recurso que se considere máis conveniente.

O texto do documento aprobado definitivamente pode ser consultado no enderezo electrónico do concello nigran.sedeelectronica.gal

Nigrán, 15 de decembro de 2023

Juan Antonio González Pérez
Alcalde