Pola Resolución reitoral do 8 de xaneiro de 2024 remitirase ao Xulgado Contencioso-Administrativo número 2 de Santiago de Compostela o expediente administrativo relativo ao procedemento abreviado nº 482/2023, interposto por Jorge Juan Vázquez Otero contra a Resolución reitoral do 21 de setembro de 2023, que resolve o recurso de alzada interposto polo recorrente contra o acordo do tribunal de selección para o acceso á categoría de auxiliar técnico/a de servizos da USC, do 6 de xullo de 2023, e ao emprazamento das persoas que aparezan como interesadas nel e que poidan resultar afectadas pola sentenza xudicial que se dite no seu día.
En aplicación do artigo 49 da Lei 29/1998, do 13 de xullo, reguladora da xurisdición contencioso-administrativa, emprázanse todos os interesados para que poidan comparecer no procedemento de referencia no prazo de nove días contados desde esta publicación, co fin de que acudan, se o consideran conveniente para os seus dereitos, mediante avogado e procurador ou valéndose tan só dun avogado con poder para estes efectos, co obxecto de que poidan formular no dito recurso cantas alegacións coiden oportunas, coa prevención de que, se non compareceren dentro do aludido prazo, recaerán sobre eles os prexuízos correspondentes en dereito.
Santiago de Compostela, 8 de xaneiro de 2024
Antonio López Díaz
Reitor da Universidade de Santiago de Compostela