A Xunta de Goberno Local do Concello de Ponteareas, en sesión do 10 de outubro de 2023, aprobou inicialmente o proxecto de estudo de detalle correspondente á AR-10 Granitos de Galicia, presentado por Bienes Inmuebles Corporativos Atlánticos 2008, S.L.U. e redactado polo arquitecto Leopoldo Ivorra Sáenz-Díez e o avogado Jorge Pérez Maldonado (número de rexistro de entrada 2023-E-RE-3015, do 30 de maio de 2023).
De conformidade co disposto no artigo 80 da Lei 2/2016, do 10 de febreiro, do solo de Galicia, ábrese un período de información pública polo prazo dun mes contado desde o día seguinte ao da publicación do anuncio de aprobación inicial no Diario Oficial de Galicia. O anuncio tamén se publicará previamente nun dos xornais de maior difusión na provincia de Pontevedra.
Durante este prazo os interesados poderán consultar o expediente no Servizo de Urbanismo do Concello, das 8.30 ás 13.30 horas, e formular por escrito as alegacións que xulguen oportunas.
Tamén poderá consultarse electronicamente a través do Portal de transparencia do Concello de Ponteareas, na seguinte ligazón: https://ponteareas.sedelectronica.gal/transparency, premendo na pestana 7. URBANISMO, OBRAS PÚBLICAS E AMBIENTE.
Ponteareas, 11 de outubro de 2023
María Nava Castro Domínguez
Alcaldesa