O artigo 15 da Lei 1/2016, do 18 de xaneiro, de transparencia e bo goberno, impón a cada consellería ou entidade da Xunta de Galicia a obriga de remitir para a súa publicación no Diario Oficial de Galicia unha relación dos convenios subscritos referida ao cuadrimestre anterior.
En consecuencia, e para dar cumprimento a esta obriga,
DISPOÑO:
Artigo único
Dar publicidade da relación dos convenios subscritos polo Instituto de Estudos do Territorio no terceiro cuadrimestre do ano 2023, que se incorpora como anexo a esta resolución.
Santiago de Compostela, 8 de xaneiro de 2024
Enrique Luis de Salvador Sánchez
Director do Instituto de Estudos do Territorio
ANEXO
|
Convenio |
Obxecto do convenio |
Achega económica do IET |
Data de sinatura |
|
Convenio entre o Ministerio de Transportes, Mobilidade e Axenda Urbana, a través do Instituto Xeográfico Nacional e o organismo autónomo Centro Nacional de Información Xeográfica, e a Comunidade Autónoma de Galicia, a través do Instituto de Estudos do Territorio, organismo autónomo da Consellería de Medio Ambiente, Territorio e Vivenda, para a obtención dunha cobertura de imaxes aéreas e ortofotos de 2023 de Galicia. |
Definir as actuacións conxuntas que se deben levar a cabo por parte do IXN, o CNIX e a Comunidade Autónoma de Galicia para a consecución das novas coberturas do PNOA, Imaxe en todo o territorio da Comunidade Autónoma de Galicia. |
317.942 € |
13.10.2023 |
|
Convenio de colaboración entre a Consellería do Medio Rural, a Axencia Galega de Desenvolvemento Rural, o Fondo Galego de Garantía Agraria, a Axencia Tributaria de Galicia, o Instituto de Estudos do Territorio, a Fundación Juana de Vega e a Universidade de Santiago de Compostela sobre a observación da mobilidade e o mercado da terra en Galicia. |
Establecer as condicións polas cales se rexerá a colaboración entre todos os asinantes para a análise da información que permita facer un seguimento da mobilidade e do mercado da propiedade rústica en Galicia, a modo de «Observatorio Galego de Mobilidade de Terras», cuxos resultados e actividades realizadas se vincularán á marca Observatorio Galego de Mobilidade de Terras. |
Sen achega económica |
19.10.2023 |