No Xulgado do Contencioso-Administrativo número 1 de Santiago de Compostela tramítase o recurso 414/2023 (procedemento abreviado) interposto pola Organización Sindical Facultativos de Galicia-O´Mega contra o acordo 1 («sobre a data en que se iniciou o cómputo dos períodos de permanencia») da Resolución do 3 de agosto de 2023, da Dirección Xeral de Recursos Humanos do Servizo Galego de Saúde, pola que se publican seis acordos da Comisión de Seguimento da Carreira Profesional (DOG núm. 155, do 17 de agosto).
O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 19 de decembro de 2023
Ana Mª Comesaña Álvarez
Directora xeral de Recursos Humanos