A Comisión de Selección, na súa reunión do 14 de decembro de 2023, acordou, de conformidade co disposto na base IV.5 da convocatoria, facer pública na web do Instituto Galego de Promoción Económica (Igape), a baremación provisional da fase de concurso, con indicación da puntuación obtida polas persoas aspirantes que superaron a fase de oposición e proceder á apertura do prazo de alegacións, en relación coa convocatoria do proceso selectivo extraordinario de estabilización derivado da Lei 20/2021, do 28 de decembro, de medidas urxentes para a redución da temporalidade no emprego público, pola quenda de acceso libre e mediante o sistema de concurso-oposición, para o ingreso na categoría de técnico medio de persoal laboral fixo, convocado mediante o Anuncio do 20 de decembro de 2022 (Diario Oficial de Galicia número 248, do 30 de decembro).
Dáse un prazo de dez (10) días hábiles aos interesados para presentar as alegacións que consideren oportunas, prazo que se contará desde o día seguinte ao da publicación deste anuncio no Diario Oficial de Galicia. Nas alegacións deberán concretarse os méritos sobre os cales se reclama por considerarse erroneamente puntuados.
Contra este acordo poderase interpoñer recurso de alzada ante a Dirección Xeral do Igape nos termos previstos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 18 de decembro de 2023
María Begoña García Maneiro
Presidenta da Comisión de Selección