DOG 241 do 21/12/2023 - CUESTIÓN de inconstitucionalidade 4409-2023 en relación co artigo 10.1, parágrafo 1º, e a disposición transitoria primeira da Lei do Parlamento de Galicia 7/2022, do 27 de decembro, de medidas fiscais e administrativas.

I. Disposicións xerais

Tribunal Constitucional

CUESTIÓN de inconstitucionalidade 4409-2023 en relación co artigo 10.1, parágrafo 1º, e a disposición transitoria primeira da Lei do Parlamento de Galicia 7/2022, do 27 de decembro, de medidas fiscais e administrativas.

O Pleno do Tribunal Constitucional, por providencia do 12 de decembro de 2023, acordou admitir a trámite a cuestión de inconstitucionalidade número 4409-2023 exposta por Xulgado do Contencioso-Administrativo número 1 de Pontevedra, no procedemento ordinario número 223-2021, en relación co artigo 10.1, parágrafo 1º, e a disposición transitoria primeira da Lei do Parlamento de Galicia 7/2022, do 27 de decembro, de medidas fiscais e administrativas e, de conformidade co disposto no artigo 10.1.c) LOTC, reservar para si o coñecemento desta cuestión.

De conformidade co establecido no artigo 37.2 LOTC, quen sexa parte no procedemento ordinario número 223-2021 poderá comparecer ante este tribunal dentro dos quince días seguintes ao da publicación deste edicto no Boletín Oficial del Estado.

Madrid, 12 de decembro de 2023

Alfonso Pérez Camiño
Secretario de xustiza do Pleno do Tribunal Constitucional