A Comunidade de Usuarios de Augas de Canles do Araño solicita de Augas de Galicia a concesión dun aproveitamento de augas públicas coas seguintes características:
Solicitante: Comunidade de Usuarios de Canles do Araño.
Expediente: DH.A15.94051.
Volume total anual: 1.650 m3/ano.
Caudal máximo instantáneo: 0,23 l/s.
Destino: uso doméstico.
Orixe: dous mananciais na parcela 91 do polígono 73.
Lugar: Canles.
Parroquia: O Araño (Santa Baia).
Concello: Rianxo (A Coruña).
O aproveitamento consiste na captación de dous mananciais situados na parcela de referencia catastral 15073A073000910000FX, e denominados Fonte os Canles e Fonte as Canles de Arriba. A auga xúntase nunha tubaxe de 1 polgada de diámetro que discorre ao longo duns 1.502 m ata o galpón, cunhas dimensións aproximadas de 13,30×2,85×2,15 m, situado na parcela de referencia 15073A073001430000FT, que está dotado dun decantador, e onde se encontran os oito depósitos individuais, de 2.000 litros cada un, dos que parten as tubaxes de 3/4 de polgada ata os domicilios que se van abastecer.
O que se fai público, en cumprimento do establecido no artigo 109 do Regulamento do dominio público hidráulico, para xeral coñecemento, por un prazo de vinte (20) días, contados a partir do seguinte ao da data de publicación no Diario Oficial de Galicia do presente anuncio, co fin de que os interesados poidan presentar as súas alegacións, durante o prazo sinalado, ante Augas de Galicia.
O proxecto estará dispoñible para a súa consulta no portal da internet de Augas de Galicia (http://augasdegalicia.xunta.gal), na sección denominada participación pública, así como nas oficinas deste servizo situadas na rúa Tomiño, 16, baixo, 15704 Santiago de Compostela (A Coruña), onde pode ser examinado por quen o desexe no devandito prazo, cita previa no teléfono 981 54 49 27.
Santiago de Compostela, 9 de novembro de 2023
Jesús Antonio Manrique Merino
Xefe do Servizo Territorial da Zona Hidrográfica Galicia Centro