O 22 de novembro de 2023, a directora xeral de Desenvolvemento Rural ditou resolución de modificación do acordo de concentración parcelaria da zona de Agudelo-Barro-Valiñas (Barro-Pontevedra), que se transcribe a continuación:

«O acordo de concentración parcelaria da zona de Agudelo-Barro-Valiñas (Barro-Pontevedra) foi aprobado pola dirección xeral competente por razón da materia, o 18 de xaneiro de 2008, foi publicado na forma legalmente establecida e, na actualidade, está pendente de firmeza.

Con posterioridade a estes actos, o Concello de Barro solicitou a cesión da titularidade dos predios do Fondo de Terras que a continuación se indican para os fins que se sinalan:

– Predio núm. 517-1 para área de descanso vinculada ao Camiño de Santiago.

– Predio núm. 1260 para acondicionamento e posta en valor da fonte pública.

– Predio núm. 1806 para parque público.

– Predio núm. 1807 para parque público.

– Predio núm. 2357 para equipamentos públicos.

– Predio núm. 2544 para área de descanso vinculada ao Camiño de Santiago.

– Predio núm. 2772 para posta en valor do patrimonio etnográfico.

Vistos o informe emitido polo Servizo de Infraestruturas Agrarias de Pontevedra, a Lei de reforma e desenvolvemento agrario, do 12 de xaneiro de 1973, a Lei 10/1985, do 14 de agosto, de concentración parcelaria para Galicia, a Lei 39/2015, do 1 de outubro, do procedemento administrativo común das administracións públicas, e demais disposicións vixentes de aplicación ao caso.

Á vista dos destinos para os que se solicitan os referidos predios, e respecto dos que son perfectamente subsumibles no suposto recollido no artigo 32 da devandita lei galega, esta dirección xeral

RESOLVE:

– Adxudicar ao Concello de Barro (prop. núm. 66) a titularidade dos predios núm. 517-1, 1260, 1806, 1807, 2357, 2544 e 2772 –que causan baixa no Fondo de Terras da zona– para seren destinados aos fins que se recollen na parte expositiva desta resolución.

– Transcorridos cinco anos desde a cesión das propiedades sen que os predios fosen destinados aos fins para os cales son adxudicados, a titularidade dos referidos predios reverterá ao Fondo de Terras da zona, ao Patrimonio da Comunidade Autónoma, á Axencia Galega de Desenvolvemento Rural (Agader) ou entidade que corresponda, segundo o caso».

Contra esta resolución, que non pon fin á vía administrativa, poderán interpor recurso de alzada ante a persoa titular da Consellería do Medio Rural no prazo dun mes, que se contará desde o día seguinte ao da publicación desta resolución.

Pontevedra, 30 de novembro de 2023

Antonio Crespo Iglesias
Xefe territorial de Pontevedra